YANGA SC YAANZIA MAANDALIZI GYM RUSTENBURG

KIKOSI cha Yanga leo kimefanya mazoezi Gym baada ya kuwasili jana Jijini Rustenburg nchini Afrika Kusini kwa ajili ya mchezo wa marudiano wa Nusu Fainali ya Kombe la Shirikisho Afrika dhidi ya wenyeji, Gallants Gallants Jumatano.
Mchezo huo unatarajiwa kufanyika Uwanja wa Royal Bafokeng mjini, Phokeng, Rustenburg kuanzia Saa 1:00 usiku na kuonyeshwa LIVE na Televisheni ya ZBC 2.
Yanga wanatakiwa kuulinda ushindi wao wa mabao 2-0 kwenye mchezo wa kwanza Jumatano iliyopita Uwanja wa Benjamin Mkapa Jijini Dar es Salaam.
Mchezo mwingne wa marudiano wa Nusu Fainali utafuatia Saa 4:00 usiku Jumatano Uwanja wa Julai 5, 1962 Jijini Algiers kati ya wenyeji, USM Alger na ASEC Mimosas ambazo mechi ya kwanza zilitoka sare ya 0-0 Jumatano Uwanja wa Bouaké, Ivory Coast.
Ikumbukwe Fainali za Kombe la Shirikisho Afrika mwaka huu zitachezwa Mei 28 na Juni 3.
PICHA: KIKOSI CHA YANGA KIKIWA MAZOEZINI GYM RUSTENBURG LEO

Monday, May 15, 2023