GARETH BARRY AVUNJA REKODI YA GIGGS LIGI KUU ENGLAND

Kocha wa West Brom, Tony Pulis jana alimuanzisha Gareth Barry dhidi ya Arsenal akaweka rekodi ya kucheza mechi nyingi zaidi Ligi Kuu ya England PICHA ZAIDI GONGA HAPA  

WALIOCHEZA MECHI NYINGI ZAIDI LIGI KUU ENGLAND KIHISTORIA 

Gareth Barry - 633

Ryan Giggs - 632

Frank Lampard - 609

David James - 572

Gary Speed - 535

Emile Heskey - 516

Mark Schwarzer - 514

Jamie Carragher - 508

Phil Neville - 505

Rio Ferdinand - 504

Steven Gerrard - 504

KIUNGO wa West Bromwich Albion, Gareth Barry jana amevunja rekodi ya nyota wa zamani wa Manchester United, Ryan Giggs kucheza mechi nyingi katika Ligi Kuu ya England.

Barry amesema wanawe wamelazimika kutokwenda shule ili waende kumshuhudia akicheza mechi ya kuvunja rekodi usiku wa jana dhidi ya Arsenal Uwanja wa Emirates. 

Barry, mwenye umri wa miaka 36 sasa, jana amecheza ya 633 ya Ligi Kuu England baada ya kuanzishwa kwenye mechi dhidi ya The Gunners.

Mchezaji huyo wa zamani wa Aston Villa, Manchester City na Everton anavunja rekodi ya gwiji wa Wales, Giggs ambaye alicheza mechi 672 akiwa na Manchester United.  

Kocha wa Arsenal, Arsene Wenger alimzawadia Barry jezi iliyosainiwa namba 633 na klabu hiyo ikatweet baada ya mechi: "Hongera Gareth Barry kwa kucheza mechi ta rekodi katika Ligi Kuu ya England, (pongezi) kutoka kwetu sote wa Arsenal,".

Tuesday, September 26, 2017