VILANOVA AACHIA NGAZI BARCELONA BAADA YA HALI YA AFYA KUWA MBAYA, NAFASI YAKE KUPEWA MSAIDIZI WAKE RUBI

IMEWEKWA JULAI 19, 2013 SAA 2:17 USIKU

KLABU ya Barcelona imeitisha Mkutano na Waandishi wa Habari saa 3:30 usiku wa leo kwa saa za Uingereza wakati wanatarajiwa kutangaza kwamba kocha Tito Vilanova ameachia ngazi.

Mwalimu huyo mwenyr umri wa miaka 44, ambaye amekuwa akitibiwa saratani, amelazimika kuachia ngazi baada ya hali kuwa mbaya.

Anaaga? Tito Vilanova akizungumza na wachezaji wake katika mazoezi ya jana

Vilanova alirithi mikoba ya Pep Guardiola msimu uliopita, lakini alikosa sehemu kubwa ya msimu baada ya kwenda kutibiwa saratani Marekani. 

Katika msimu wake wa kwanza kazini akirithi mikoba ya kocha aliyefanikiwa zaidi, aliiwezesha klabu kurejesha ubinga wa Ligi kutoka kwa wapinzani, Real Madrid.

Rais wa Barca, Sandro Rosell na Mkurugenzi wa Michezo, Andoni Zubizarreta wanatarajiwa kuthibitisha kung'atuka kwa Vilanova katika mkutano wa usiku huu.

Msaidizi wa Vilanova, kocha wa zamani wa Girona, Joan Francesc Ferrer 'Rubi', anatarajiwa kuteuliwa kocha wa muda wa dharula, wakati klabu ikitafuta kocha wa kudumu.

Afya mgogoro: Vilanova anasumbuliwa na afya

Friday, July 19, 2013