SIMBA SC YAENDA UGANDA KUSAKA USHINDI KWA VIPERS

KIKOSI cha Simba SC kimeondoka nchini leo jioni kwenda Uganda kwa ajili ya mchezo wa mwisho mzunguko wa kwanza Kundi C Ligi ya Mabingwa Afrika dhidi ya wenyeji, kuanzia Saa 1:00 usiku Uwanja wa St. Mary mjini Kitende.
Zote hazijashinda hata mechi moja katika mbili za awali, Simba ikifungwa 1-0 na Horoya Uwanja wa Jénérali Lansana Conté Jijini Conakry na 3-0 za Raja Casablanca Uwanja wa Benjamin Mkapa Jijini Dar es Salaam, wakati Vipers ilitandikwa 5-0 na Raja Jijini Casablanca kabla ya kutoa sare ya 0-0 na Horoya nyumbani, Uganda.  
Mechi nyingine ya kundi hilo siku hiyo, Raja Casablanca watakokotoana na Horoya kuanzia Saa 4:00 usiku Uwanja wa Mfalme Mohamed wa 5 Jijini Casablanca nchini Morocco.

Thursday, February 23, 2023