KAYOKO REFA SIMBA NA YANGA JUMAMOSI

REFA chipukizi, Ramadhani Kayoko atachezesha mechi ya Ngao ya Jamii baina ya watani wa jadi, Simba na Yanga Jumamosi Uwanja wa Benjamin Mkapa Jijini Dar es Salaam.
Kayoko aliyechezesha mechi ya Nusu Fainali Kombe la Shirikisho la Soka Tanzania (TFF), maarufu kama Azam Sports Federation Cup (ASFC) mwaka juzi Simba ikishinda 4-1, keshokutwa atasaidiwa na Frank Kombe na Soud Lila wote wa Dar es Salaam.

Katika mchezo uliofanyika Julai 12, mwaka 2020, mabao ya Simba yalifungwa na viungo Mbrazil Gerson Fraga ‘Viera’ dakika ya 21, Mzambia Clatous Chama dakika ya 50, Luis Miquissone wa Msumbiji dakika ya 52 na Muzamil Yassin dakika ya 89, wakati la Yanga lilifungwa na kiungo pia, Feisal Salum dakika ya 70.

Thursday, September 23, 2021