SOLOMON KALOU APIGA MBILI PEKE YAKE TEMBO LA IVORY COAST LIKIITIMBA SIERRA LEONE 5-1 KUFUZU AFCON

Solomon Kalou alifunga mawili

TIMU ya taifa ya Ivory Coast imepata ushindi mono wa mabao 5-1 dhidi ya Sierra Leone jana katika mchezo wa kuwania kufuzu Kombe la Mataifa ya Afrika 2015.
Mchezo huo ulioshuhudiwa na umati mkubwa wa watu Abidjan, ulifurahia mabao yaliyofungwa na nyota wao, Salomon Kalou mawili, Kolo Toure, Max Gradel na Gervinho.
Bao la kufutuia machozi la Sierra Leone lilifungwa na Mustapha Bangoura aliyegongeana vizuri na Alhassan Kamara.
Ushindi huo unawafanya Tembo hao wafikishe pointi tisa, moja nyuma ya vinara wa kundi lao, Cameroon ambao leo wanacheza na Jamhuri ya Kidemokrasia ya Kongo (DRC), yenye pointi sita.
Kikosi cha Sierra Leone kilikuwa: Solomon Zombo Morris, Alie Sesay, David Simbo, Mustapha Dumbuya, John Kamara, Lansana Kamara, Mohamed Kamara, Mustapha Bangura, Hassan Sesay, Sherif Suma na Alhassan Kamara
Ivory Coast: Sylvain Gbohouo, Kolo Toure, Siaka Tiene, Ousmane Viera Diarassouba, Serge Aurier, Yaya Toure, Geoffroy Serey Die, Max Gradel, Salomon Kalou, Gervinho na Lacina Traore.

Saturday, November 15, 2014