NADAL ATINGA ROBO FAINALI MICHUANO YA AUSTRALIAN OPEN

MSPANIOLA Rafael Nadal amekaribia rekodi ya taji la 21 la Grand Slam upande wa wanaume baada ya kumtoa mchezaji bora namba 16 duniani, Fabio Fognini seti 3-0 (6-3, 6-4, 6-2) na kutinga Robo Fainali ya michuano ya Australian Open.

Nadal sasa atakutana na ama mchezaji namba tano duniani, Stefanos Tsitsipas au namba tisa, Matteo Berrettini.

Naye mchezaji bora namba 22 duniani, Jennifer Brady ametinga Robo Fainali yake ya kwanza ya michuano ya Australian Open baada ya kumfunga mchezaji namba 28, Donna Vekic wa Croatia seti 2-0 ( 6-1, 7-5) na sasa atakutana na Mmarekani mwenzake, Jessica Pegula.

Monday, February 15, 2021