MOURINHO ‘AKARIBIA’ KUFUKUZWA, CHELSEA YACHAPWA 3-1 NYUMBANI NA SOUTHAMPTON

MATOKEO MECHI ZILIZOMALIZIKA LIGI KUU ENGLAND:

Chelsea 1-3 Southampton

Manchester City 6-1 Newcastle United

Crystal Palace 2-0 West Bromwich

Norwich City 1-2 Leicester City

Aston Villa 0-1 Stoke City

AFC Bournemouth 1-1 Watford

Sunderland 2-2 West Ham United

Kocha wa Chelsea, Jose Mourinho akifoka kuwapa maelekezo wachezaji wake wakati wa mchezo wa Ligi Kuu ya England dhidi ya Southampton leo PICHA ZAIDI GONGA HAPA

TIMU ya KOCHA Jose Mourinho sasa amekalia kitu kibovu na wakati wowote kinaweza kumdondosha darajani.

Hiyo inafuatia Chelsea kufungwa mabao 3-1 nyumbani, Uwanja wa Stamford Bridge, London na Southampton katika mchezo wa Ligi Kuu ya England.
Mabingwa hao watetezi, The Blues ndiyo waliotangulia kupata bao kupitia kwa Willian aliyefunga kwa mpira wa adhabu dakika ya 10, kabla ya ‘Wakatifu’ kusawazisha kupitia kwa Steven Davis dakika ya 43 na Saido Mane kufunga la pili dakika ya 60 na Graziano Pelle la tatu dakika ya 72.
Matokeo hayo yanaiangushia nafasi ya 16 Chelsea, inayomilikiwa na bilionea Mrusi, Roman Abramivic ambaye alishubhudia kipigo hiho leo Stamford Bidge.
Katika mechi zilizotangulia Manchester City imerejea kileleni baada ya kuifunga Newcastle United mabao 6-1 jioni ya leo Uwanja wa Etihad.
Mshambuliaji wa Argentina, Sergio ‘Kun’ Aguero amefunga mabao matano katika ushindi huo dakika za 42, 49, 50, 60 na 63, huku bao lingine la Man City likifungwa Kevin De Bruyne dakika ya 53.
Bao pekee la Newcastle, limefungwa na Mserbia Aleksandar Mitrovic dakika ya 18 na sasa City inafikisha pointi 18 baada ya kucheza mechi nane, mbili zaidi ya Manchester United waliocheza mechi saba.
Mechi nyingine za Ligi Kuu zilizomalizika Crystal Palace imeshinda 2-0 dhidi ya West Bromwich, Leicester City imefungwa 2-1 nyumbani na Norwich City, Aston Villa imefungwa 1-0 nyumbani na Stoke City, AFC Bournemouth imelazimishwa sare ya 1-1 na Watford, Sunderland imetoka 2-2 na West Ham United.

Saturday, October 03, 2015