SZCZESNY AANIKA PENZI LAKE SHATA SHATA NA 'KIMODO' CHA POLAND KINACHOTISHA KWENYE MUZIKI NA FILAMU PIA

KIPA wa Arsenal, Wojciech Szczesny amekuwa kivutio katika kikosi cha The Gunners msimu huu na uhusiano wake mpya na mlimbwende wa Poland, Marina Luczenko unaweza kuwa chachu. 

Kufuatia sare ya 1-1 ya Arsenal na Everton Jumapili, mzuia michomo huyo wa Poland ameposti kwenye ukurasa wake wa Facebook picha akiwa na mpenziwe, Luczenko.

Szczesny pia ameposti pia ujumbe mfupi, lakini mtamu wa mapenzi pamoja na picha. 

Penzi changa: Wojciech Szczesny (kushoto) na Marina Luczenko wametoa picha hii kutangaza wapo kwenye mahusiano ya kimepanzi

Mwanamuziki: Luczenko ametoa nyimbo kadhaa kabla ya kutambulisha albamu yake ya kwanza, Novemba

Ameandika: "Furaha...na Marina Luczenko".

Mchezaji huyo mwenye umri wa miaka 23 anatumaini kudumu na mpenzi wake, Luczenko, ambaye anafahamika sana nchini kwao, Poland kama msanii wa muziki, mwanamitindo na mwigizaji.

Wachezaji kadhaa wa timu ya taifa ya Poland wamefurahia mahusiano ya wawili hao wakiwemo Robert Lewandowski na Kuba Błaszczykowski ambao wali-like posti hiyo kwenye Facebook.  

Maarufu: Luczenko (kushoto) anafahamika vyema kama mwanamuziki, mwanamitindo na mwigizaji Poland

Namba 1: Nyota wa Poland, Luczenko ametangaza anatembea na Szczesny kupitia ukurasa wake wa Facebook

Mzuia michomo: Wojciech Szczesny ameisaidia Arsenal kujinafasi kileleni mwa Ligi Kuu England msimhu huu hadi sasa

Mikono salama: Wojciech Szczesny akiokoa hatari langoni wakati wa mechi dhidi ya Everton iliyoisha kwa sare ya 1-1 Uwanja wa Emirates

Monday, December 09, 2013