SERENGETI GIRLS YATINGA ROBO FAINALI KOMBE LA DUNIA

TANZANIA imefanikiwa kwenda Robo Fainali ya Kombe la Dunia U17 licha ya sare ya 1-1 na Canada leo katika mchezo wa mwisho wa Kundi D Uwanja wa DY Patil Jijini Mumbai nchini India.

Mechi nyingine ya kundi D leo, Japan iliichapa Ufaransa 2-0 hivyo kumaliza kileleni kwa ponti zake tisa, ikifuatiwa na Serengeti Girls pointi nne na Canada mbili.

Ufaransa, mabingwa wa zamani wa michuano hiyo ndio wameshika mkia kwa kuambulia pointi moja tu kwenye sare na Canada.

Katika Robo Fainali Jumamosi, Serengeti Girls watamenyana na Colombia na Japan watakipiga na Hispania, wakati Ijumaa Marekani itakutana na Nigeria na Ujerumani na Brazil.

Friday 21/10/2022
14:00	United States U17	-	Nigeria U17
17:30	Germany U17	-	Brazil U17
Saturday 22/10/2022
14:00	Colombia U17	-	Tanzania U17
17:30	Japan U17	-	Spain U17