BARCELONA WATANGAZA RASMI KUITAKA SAINI YA POGBA

MKURUGENZI wa Usajili wa Barcelona, Ariedo Braida amethibitisha klabu hiyo ina dhamira ya kumsajili kiungo wa Juventus, Paul Pogba, na kwamba tayari vigogo hao wa Katalunya wameanza mazungumzo na Mkurugenzi Mkuu wa timu hiyo ya Serie A, Giuseppe Marotta.

Tangu aondoke Manchester United, ambako alikuwa hapati nafasi kikosi cha kwanza mwaka 2012, Pogba amekuwa mchezaji gumzo duniani kiasi cha 'kuzitoa udenda' klabu za Ligi Kuu England, sambamba na vigogo wa Ligue 1, Paris Saint Germain.

Sasa Barcelona imejitosa kwenye mbio za kuwania saini Pogba, ambaye thamani yake ni Pauni Milioni 60, iwapo ataondoka Juventus, na Braida amesema amefanya mazungumzo na rafiki yake Marotta.

Paul Pogba alijiunga na Juventus mwaka 2012 kutoka Manchester United 

"Tunampenda Pogba, tunampenda sana. Lakini hiyo haihitaji kusema. Klabu zote kubwa kama bingwa inamtafuta Pogba," amesema Braida akizungumza na Tuttosport.

"Marotta ni rafiki yangu na tulizungumza kuhusu mambo mengi. Pia tulimjadili Pogba.

"Bado mdogo, lakini tayari ameonyesha vitu vikubwa. Itakubwa babu kubwa Barcelona ikimpata huyo mchezaji, anayetamanisha sana," amesema.

Saturday, May 02, 2015