NAHODHA WA COASTAL UNION NA WENGINE 15 WAHAMIA GOR MAHIA

Wachezaji wapya wa Gor Mahia, Jerry Santo wa kwanza kushoto waliosimama

WACHEZAJI WAPYA WA GOR MAHIA 

Jerry Santo – kiungo kutoka Coastal Union

David Onyango Magoma – mshambulizi kutoka Mawego Talent Academy

Ali Abondo "Teargas' – kiungo kutoka Tusker FC

Ronald Otieno Omino – straika kutoka Muhoroni Youth

Earnest Wendo – kiungo mkabaji kutoka Bidco United

Farouk Ssentongo – kiungo mshambulizi kutoka Uganda

James Ohawa – straika kutoka Bombo FC ya Uganda

Augustine Walusimbi – beki kutoka Masaka Local Council FC

Dirkir Glay – beki kutoka Thika United

Zachary Toufiq – straika kutoka Ghana

Khalid Aucho – kiungo kutoka Tusker FC

Martin Werunga – beki kutoka FC Talanta,  

Michael Olunga straika kutoka Thika United, 

Innocent Wafula –kiungo kutoka Chemelil Sugar

Boniface Oluoch – kipa kutoka Tusker FC

Bernard Odhiambo – beki kutoka Nakuru AllStars 

Na Vincent Malouda, NAIROBI

ALIYEKUWA nahodha wa Coastal Union ya Tanzania bara na mkenya Jerry Santo ni miongoni mwa wachezaji kumi na sita waliozinduliwa na mabingwa wa Kenya, Gor Mahia.

Gor imo mbioni kujiandaa kombe la klabu bingwa barani Afrika na sasa imewasajili wachezaji kumi na sita kujaza nafasi za wachezaji walioondoka miongoni mwao Dan Sserunkuma aliyehamia Simba SC, Geoffrey ‘Baba’ Kizito kwenda Vietnam na David ‘Calabar’ Owino aliyejiunga na ZESCO United ya Zambia.

Sasa Gor Mahia ina jumla ya wachezaji 28 na wanayo nafasi mbili kufanya sajili nyingine. 

Taarifa kutoka ndani ya klabu hiyo zasema kuwa wana mikakati ya kumnasa straika la mahasimu wao wa jadi AFC Leopards Jacob Keli na vile vile nahodha wa Muhoroni Youth Abbas Akinyemi.

Misimu miwili iliyopita, Santo aling'ara na Coastal Union ya Tanga katika Ligi Kuu ya Tanzania Bara, hiyo ni klabu ya pili kuchezea nchini humo baada ya awali kuwa Simba SC ya Dar es Salaam.

Kabla ya kurejea Kenya, Santo alijaribu kurejea Simba SC, lakini hakufanikiwa kutokana na kugoma kufanya majaribio kama alivyotakiwa na kocha wa Wekundu hao wakati huo, Mcroatia Zdravko Logarusic. Santo pia alikwenda Oman kujaribu kujiunga na Fanja ya huko bila mafanikio na hatimaye sasa amerudi nyumbani kujipanga upya. 

Friday, January 09, 2015