MAYWEATHER APIGA DOLA MILIONI 2 KAMA MCHEZO, TENA BILA JASHO

BONDIA Mmarekani, Floyd Mayweather ameibuka na karibu dola za Kimarekani Milioni 2 baada ya kubeti katika mechi za NFL wiki tatu zilizopita, kufuatia kuweka dola 940,000 kwenye mechi mbili.

Mayweather, mwanamichezo anayeongoza kulipwa duniani, ameondoka na dola 1,825,714.28 baada ya kushinda beti zake zote kwa Seattle Seahawks na Indianapolis Colts alizozipigia beti kushinda kwa zaidi ya pointi saba.

The Colts, ikiongozwa na Andrew Luck, iliifunga Jacksonville Jaguars 44-17 Septemba 21 kabla ya Seattle kuifunga Washington Redskins 27-17 jana.