TORRES APIGA MBILI CHELSEA IKIUA 3-1, SPURS SARE GARETH BALE AKIUMIA NA PAPPIS CISSE AITENGENEZEA MAZINGIRA NEWCASTLE ULAYA

MSHAMBULIAJI Fernando Torres jana alikuwa shujaa wa Chelsea akifunga mabao mawili katika ushindi wa 3-1 dhidi ya Rubin Kazan kwenye Europa League Uwanja wa Stamford Bridge.

Wiki tatu zilizopita, Torres aliipeleka Chelsea Robo Fainali ya michuano hiyo kwa kufunga bao la ushindi dhidi ya Steaua Bucharest na usiku wa jana mchezaji huyo mwenye thamani ya Pauni Milioni 50 akiwa amevaa mask usoni aliwatungua mara mbili Rubin Kazan.

Alifunga bao la kwanza dakika ya 16 akiwa amekaa uwanjani na akapachika la tatu kwa kichwa dakika ya 70, wakati bao la pili la The Blues lilifungwa na Victor Moses dakika ya 32 na bao la kufutia machozi la wapinzani wao lilifungwa na Natcho kwa penalti dakika ya 41.

Kikosi cha Chelsea jana kilikuwa: Cech, Azpilicueta, Terry, Luiz, Bertrand, Ramires, Lampard, Moses/Hazard dk65, Benayoun/Marin dk83, Mata/Oscar dk78 na Torres. 

Rubin Kazan: Ryzhikov, Cesar Navas, Kuzmin/Kasaev dk82, Kaleshin, Ansaldi, Sharonov, Orbaiz, Roman Eremenko, Karadeniz, Natcho, Dyadyun/Rondon dk46.

Sura ya ajabu: Torres akipongezwa na wachezaji wenzake baada ya kufunga bao la kwanza

Bao la kwanza: Torres akiwa chini akifunga bao la kwanza

                                                                                  Katika mechi nyingine ya michuano hiyo, Tottenham Hotspur ililazimishwa sare ya 2-2 na FC Basle siku ambayo mchezaji wake hatari Gareth Bale aliumia kifundo cha mguu mwishoni mwa mchezo na atakosa mechi ya marudiano.                                                                Mabao ya Spurs yalifungwa na Adebayor dakika ya 40 na Sigurdsson dakika ya 58, wakati ya Basle yalifungwa na Stocker dakika ya 30  na Frei dakika ya 35.

Adebayor akiifungia Tottenham bao la kwanza

Newcastle ilifungwa 3-1 na Benfica nchini Ureno, huku bao lake muhimu la ugenini likifungwa na Papiss Cisse’ dakika ya 12, likiwa bao la kwanza kabisa kwenye mchezo huo.

Mabao ya wenyeji yalifungwa na Rodrigo dakika ya 25, Lima dakika ya 65 na Cardozo dakika ya 71 kwa penalti.

Katika Robo Fainali nyingine, bao pekee la Dick Kuyt dakika ya 90 liliipa  Fenerbahce ushindi wa 1-0 dhidi ya Lazio.

Chukua hiyo! Mchezaji wa Newcastle, Papiss Cisse, akishangilia baada ya kufungua mbele ya mchezaji wa Benfica, Luisao

Friday, April 05, 2013