• HABARI MPYA

    Alhamisi, Aprili 18, 2013

    MGAMBO NA YANGA ZAINGIZA MILIONI 24

    Said Bahanuzi wa Yanga akimiliki mpira mbele ya beki wa Mgambo JKT jana

    Na Boniface Wambura
    MECHI ya Ligi Kuu ya Vodacom Tanzania Bara kati ya Mgambo JKT na Yanga iliyochezwa jana (Aprili 17 mwaka huu) Uwanja wa Mkwakwani jijini Tanga imeingiza Sh. 24,865,000 kutokana na watazamaji 4,386.
    Viingilio katika mechi hiyo namba 162 iliyomalizika kwa timu hizo kutoka sare ya bao 1-1 vilikuwa sh. 10,000 kwa jukwaa kuu na sh. 5,000 huku kila klabu ikipata mgawo wa sh. 5,547,337.50 wakati Kodi ya Ongezeko la Thamani (VAT) iliyolipwa ni sh. 3,792,966.10.
    Asilimia 15 ya uwanja sh. 2,820,680.08, msimamizi wa kituo sh. 120,000, kamishna wa mechi sh. 90,000, waamuzi sh. 270,000, maandalizi ya uwanja sh. 100,000 na tiketi sh. 1,587,500.
    Mgawo mwingine ni gharama za mechi sh. 1,692,408.05, Kamati ya Ligi sh. 1,692,408.05, Mfuko wa Maendeleo ya Mpira wa Miguu (FDF) sh. 846,204.05 na Chama cha Mpira wa Miguu Mkoa wa Tanga (TRFA) sh. 658,158.69.
    Yanga watashuka tena dimbani Jumapili kupambana na JKT Ruvu katika mechi pekee ya ligi hiyo wikiendi hii.
    Mbali ya mechi hiyo, nyingine zitakazochezwa mwezi huu ni kati ya African Lyon na JKT Ruvu itakayofanyika Aprili 24 kwenye Uwanja wa Chamazi, Dar es Salaam wakati Aprili 25 ni kati ya Ruvu Shooting na Simba kwenye Uwanja wa Taifa, Dar es Salaam.
    Nayo Coastal Union itaikaribisha Azam kwenye Uwanja wa Mkwakwani jijini Tanga katika mechi itakayochezwa Aprili 27. Uwanja wa Taifa utakuwa mwenyeji wa mechi kati ya Simba na Polisi Morogoro itakayofanyika Aprili 28.
    • Blogger Comments
    • Facebook Comments
    Item Reviewed: MGAMBO NA YANGA ZAINGIZA MILIONI 24 Rating: 5 Reviewed By: Mahmoud Bin Zubeiry
    Scroll to Top