Tovuti Hii hutembelewa na zaidi ya watu 60,000 kila siku, kutangaza biashara yako na www.binzubeiry.co.tz,
Tuma maombi kwa barua pepe 4thebetter[at]gmail[dot]com.
  • HABARI MPYA

    Thursday, February 18, 2016

    REFA AKATAA BAO LA ULIMWENGU MAZEMBE YALAZIMISHWA SARE 0-0 NA ST ELOI LUPOPO

    MSHAMBULIAJI wa kimataifa wa Tanzania, Thomas Emmanuel Ulimwengu (pichani kushoto) amefunga bao la kichwa leo katika mchezo wa Ligi Kuu ya Jamhuri ya Kidemokrasia ya Kongo (DRC), lakini likakataliwa TP Mazembe ikitoa sare ya bila kufungana na FC Saint Eloi Lupopo.
    Ulimwengu maarufu kama Rambo mbele ya mashabiki wa Tout Puissant Mazembe, ameiambia BIN ZUBEIRY SPORTS – OINLINE  kwa simu usiku wa Jumatano kwamba ni kweli alifunga akiwa ameotea Uwanja wa Frederic Kibassa Maliba mjini Lubumbashi.
    “Ndiyo, ni kweli niliingia kwenye mtego wa kuotea, wakati nafunga, ulikuwa mchezo mgumu, tumetoa sare ya 0-0 kwenye Uwanja wao wao, lakini hapa hapa Lubumbashi,”amesema Ulimwengu.
    Baada ya mchezo huo Ulimwengu na Mazembe – wafalme wa Ligi ya Mabingwa Afrika, wanarejea kambini kujiandaa na mchezo wa Super Cup ya Afrika dhidi ya mabingwa wa Kombe la Shirikisho, Etoile du Sahel ya Tunisia.
    “Sasa tunaelekea kwenye maandalizi ya Super Cup, mchezo ambao utachezwa Jumamosi kwenye Uwanja wetu (wa Mazembe). Nina kiu ya taji hilo, naomba Mungu atusaidie tulichukue,”amesema. 
    • Blogger Comments
    • Facebook Comments

    0 comments:

    Post a Comment

    Note: Only a member of this blog may post a comment.

    Item Reviewed: REFA AKATAA BAO LA ULIMWENGU MAZEMBE YALAZIMISHWA SARE 0-0 NA ST ELOI LUPOPO Rating: 5 Reviewed By: BIN ZUBEIRY SPORTS - ONLINE

    PATA HABARI POPOTE ULIPO. ZIKITUFIKIA ZITAKUFIKIA

    Scroll to Top