• HABARI MPYA

    Sunday, January 18, 2015

    MTIBWA SUGAR YAREJEA KILELENI LIGI KUU

    Mtibwa Sugar imepunguzwa kasi na JKT Ruvu baada ya kulazimishwa sare ya kufungana bao 1-1 Uwanja wa Azam Complex Chamazi leo

    MATOKEO YA LIGI KUU YA VODACOM TANZANIA BARA WIKIENDI HII

    Jumapili, Jan 18, 2015
    JKT Ruvu 1-1 Mtibwa Sugar
    Coastal Union 0-0 Polisi Moro 
    Jumamosi, Jan 17, 2015
    Yanga SC 0-0 Ruvu Shooting
    Ndanda FC 0-2 Simba SC
    Stand United 0-1 Azam FC
    Kagera Sugar 0-1 Mbeya City
    Mgambo Shooting 0-0 Priosns   
    MTIBWA Sugar imepunguzwa kasi baada ya kulazimishwa sare ya kufungana bao 1-1 na JKT Ruvu katika mchezo wa Ligi Kuu ya Vodacom Tanzania Bara Uwanja wa Azam Complex, Chamazi, Dar es Salaam jioni ya leo.
    Matokeo hayo yanairejesha Mtibwa kileleni baada ya kufikisha pointi 17, baada ya mechi tisa sawa na mabingwa watetezi, Azam FC- lakini timu ya Manungu inapandishwa kwa wastani wa mabao.
    JKT Ruvu inafikisha pointi 17 pia baada ya mechi 11, lakini inabaki nafasi ya tatu mbele ya vigogo Yanga pointi 15 na Simba 12.
    JKT ndiyo waliokuwa wa kwanza kupata bao dakika ya saba, mfungaji Samuel Kamuntu ambaye aliuwahi mpira uliotemwa na kipa Said Mohammed Kasarama.
    Mtibwa walifanikiwa kusawazisha bao hilo dakika ya 36, mfungaji Ame Ally aliyemalizia kwa kichwa kona iliyochongwa na Shijja Kichuya.
    Katika mchezo mwingine wa ligi hiyo leo, Coastal Union imelazimishwa sare ya bila kufungana na Polisi Moro Uwanja wa Mkwakwani, Tanga. 
    • Blogger Comments
    • Facebook Comments

    0 comments:

    Item Reviewed: MTIBWA SUGAR YAREJEA KILELENI LIGI KUU Rating: 5 Reviewed By: Mahmoud Bin Zubeiry
    Scroll to Top