KILI MARATHON 2014 YAZINDULIWA LEO, ZAWADI SI MCHEZO

Na Ibrahim Kyaruzi, Dar es Salaam
MASHINDANO ya 12 ya mbio za Kilimanjaro Marathon yanayotarajiwa kufanyika mjini Moshi mkoani Kilimanjaro Machi 2, mwakani yamezinduliwa jijini Dar es Salaam leo.

Katika uzinduzi huo, Meneja wa Bia ya Kilimanjaro, George Kavishe alisema: “Ninayo furaha kutangaza kwamba huu utakuwa mwaka wa 12 kwa mbio za Kilimanjaro Marathon kufanyika chini ya udhamini wa Kilimanjaro Premium Lager.

Mgeni rasmi, Naibu Katibu Mkuu wa Wizara ya Habari Utamaduni na Michezo, Elisante Ole Gabriel akimkabidhi bendera ya mbio za Kilimanjaro Marathon, Katibu wa Chama cha Riadha Tanzania (RT), Selemani Nyambui wakati wa hafla ya uzinduzi wa mbio hizo asubuhi ya leo kwenye ukumbi wa Serengeti katika hoteli ya JB Bellomonte, jengo la Benjamin Mkapa, Dar es Salaam. Wengine katikati ni Meneja Uhusiano wa Vodacom Tanzania, Salum Mwalimu kushoto na Meneja wa Bia ya Kilimanjaro, George Kavishe.  

Kwa mara nyingine, ni fahari kubwa kwa Kilimanjaro Premium Lager kudhamini tukio hili maarufu na lenye msisimko mkubwa katika kalenda ya michezo ya Tanzania.”

Kavishe alitangaza nyongeza ya asilimia 25 kwenye zawadi za fedha kwa washindi wa mbio za kilometa 42 za Kilimanjaro Premium Lager Marathon, ambapo jumla ya zawadi ya fedha itaongezeka kutoka Tsh milioni 15 hadi Tsh milioni 20, huku washindi wa kwanza, wa pili na wa tatu wanaume kwa wanawake wakipokea jumla ya Tsh milioni nane na kiasi kilichobaki kikigawanywa miongoni mwa washindi wanne hadi wa 10.

Kavishe alisema kwamba ni bahati kubwa kwa Kilimanjaro Premium Lager kudhamini mashindano haya yenye msisimko mkubwa katika kalenda ya michezo nchini Tanzania na kwamba Bia ya Kilimanjaro Premium Lager itatoa zawadi kubwa za fedha kwa wanariadha wakati wengine watabaki wana kumbukumbu isiyofutika ya ukaribu wa hali yajuu.

Ili kuwahamasisha na kuwapa motisha wanariadha wa Tanzania kuongeza viwango vyao na kutumia muda mfupi kumaliza mbio hizo, Kilimanjaro Premium Lager imetenga Shilingi milioni mbili kama bonasi au malipo ya nyongeza kwa wanariadha wa Tanzania watakaovunja rekodi kwenye mashindano hayo.

Zawadi zitakazotolewa kwenye 2014 Kilimanjaro Marathon zimenyumbulishwa kitakwimu kama ifuatavyo hapa chini;

2014 KILI MARATHON PRIZES			2013 KILI MARATHON PRIZES
	MALE	FEMALE		MALE	FEMALE
1ST	4,000,000	4,000,000	1ST	3,000,000	3,000,000
2ND	2,000,000	2,000,000	2ND	1,500,000	1,500,000
3RD	1,000,000	1,000,000	3RD	850,000	850,000
4TH	900,000	900,000	4TH	650,000	650,000
5TH	600,000	600,000	5TH	500,000	500,000
6TH	400,000	400,000	6TH	350,000	350,000
7TH	350,000	350,000	7TH	250,000	250,000
8TH	300,000	300,000	8TH	200,000	200,000
9TH	250,000	250,000	9TH	150,000	150,000
10TH	200,000	200,000	10TH	100,000	100,000
SUB TOTAL	10,000,000	10,000,000	SUB TOTAL	7,550,000	7,550,000
GRAND TOTAL	20,000,000		GRAND TOTAL	15,100,000

Bendera juu; Ole Gabriel na Nyambui kulia 

Mkurugenzi wa Masoko Vodacom, Kevin Twisa akihutubia katika hafla hiyo

Meneja wa Bia ya Kilimanjaro, George Kavishe akihutubia

Mjadala; Kutoka kulia Kevin Twisa, Mama Juliana Yassoda kutoka Wizara ya Habari na Salum Mwalimu 

Nyambui akihutubia

Ole Gabriel akihutubia

Kikundi cha sanaa cha THT kikiwasilisha bendera kwa mbwembwe za kisanii

Mazungumzo; Kutoka kulia Mkurugenzi Mkuu wa Executive Solutions, Aggrey Marealle akijadiliana jambo na Meneja wa Kilimanjaro Beer, George Kavishe na Meneja Matukio wa kampuni yake (Executive), Glory Chuwa 

Nyambui akifurahia jambo na Ofisa wa Executive, Michael Mukunza kulia

Mama Yassoda akimkabidhi cheti, Ibrahim Kyaruzi wa Executive Solutions kutambua mchango wa kampuni hiyo katika historia ya mbio hizo za kimataifa 

Kavishe alisema anatarajia kwamba zawadi hizo za fedha zitawavutia wanariadha mashuhuri na kuwapa moyo wengine kuvunja rekodi za mashindano hayo.

Aliongeza kwamba Kilimanjaro Marathon imepiga hatua kutoka tukio la mkoa hadi kuwa mashindano makubwa ya kimataifa. “Tunatambuliwa na IAAF na Chama cha Kimataifa cha Mbio za masafa Marefu. Licha ya mafanikio haya, tunaendelea kujitahidi kuboresha mbio hizi mwaka hadi mwaka,” alisemaKavishe.

Tunashukuru kwa jinsi walivyoungwa mkono na Wizara ya Michezo na mamlaka za Serikali ya Mkoa wa Kilimanjaro, Riadha Tanzania, Chama cha Mbio za Ridhaa Kilimanjaro, pamoja na wadhamini wenzawao ambao ni GAPCO, Simba Cement, CFAO Motors, KK Security, Keys Hotel, TPC Sugar, FNB Bank na Kilimanjaro Water kwa kusaidia kuikuza Kilimanjaro Marathon kuwa moja ya mashindano makubwa zaidi ya mbio za masafa marefu barani Afrika.

Wednesday, November 13, 2013