YANGA WAANZA NA NNE BILA, TEGETE AJIKUMBUSHA KUFUNGA

Wachezaji wa Yanga wakimpongeza Msuva

David Luhende akisikitika baada ya kukosa bao la wazi

Luhende anatoa krosi

Hamisi Kiiza kulia

Hatari langoni mwa Lyon

Hatari langoni mwa Lyon

Luhende akitafuta mbinu za kumtoka mtu

Luhende amekwishamtoka mtu anachanga mbuga

Kiungo wa Lyon, Adam Kingwande akiondosha mpira miguuni mwa Haruna Niyonzima

Niyonzima akilalamika baada ya kudondoshwa

Kingwande chini naye

Semmy Kessi kushoto amekwishamtupa mtu chini, Msuva kulia na kilichofuata ni penalti 

Msuva akiinuka baada ya kuangushwa na Kessy

11 wa Yanga walioanza leo

11 wa Lyon walioanza leo

Msuva akishangilia bao

 Na Mahmoud Zubeiry

YANGA SC imeibuka na ushindi wa mabao 4-0 dhidi ya Africfan Lyon, zote za Dar es Salaam katika mchezo wa kirafiki wa kujipima nguvu uliofanyika Uwanja wa Taifa, Dar es Salaam.

Yanga ilitumia mchezo huo kuwapima wachezaji wake kabla ya kuanza kwa Ligi Kuu na haukuwa mwanzo mbaya, timu ikicheza kwa utulivu na hata kuhimili vishindo vya wapinzani.

Didier Kavumbangu, mshambuliaji mpya wa klabu hiyo aliyesajiliwa kutoka Atletico Olympique ya Burundi, alikuwa wa kwanza kuwainua vitini mashabiki wa Yanga dakika ya sita baada ya kupiga mpira ambao beki alipojaribu kuokoa ulimgonga kipa wake na kuingia nyavuni.

Hadi mapumziko, Yanga walikuwa mbele kwa bao hilo 1-0 na kipindi cha pili, Haruna Niyonzima aliifungia Yanga bao la pili kwa penalti dakika ya 57, baada ya Simon Msuva kuchezewa rafu na Semmy Kessy kwenye eneo la hatari.

Frank Damayo aliyeingia kuchukua nafasi ya Athumani Iddi ‘Chuji’ kipindi cha pili alitoa pasi nzuri kwa Simon Msuva ambaye aliifungia Yanga bao la tatu dakika ya 72, kabla ya Jerry Tegete kufunga la nne dakika ya 90+1.   

Baada ya mchezo huu, Yanga ambao ni mabingwa wa Afrika Mashariki na Kati, Kombe la Kagame inatarajiwa kuondoka Dar es Salaam Jumatano kwenda Kigali, Rwanda ambako itaweka kambi ya wiki mbili kujiandaa na Ligi Kuu.

Ikiwa huko, Yanga itacheza mechi kadhaa za kujipima nguvu na vigogo wa Rwanda, kama APR, Rayon, Atracao na Polisi kabla ya kurejea Dar ves Salaam kuanza maandalizi ya Ligi Kuu.

Monday, August 20, 2012