| Kocha mwanamke, Sandra Makombele wa hapa Jamhuri ya
Kidemokrasia ya Kongo (DRC), anayeifundisha timu ya Ligi Kuu ya hapa, Real de
Kinshasa leo alikuwa kivutio kikubwa wakati akiiongoza timu hiyo katika mchezo
dhidi ya Azam FC Uwanja wa Martyrs, mjini hapa. Nilipozungumza naye, Sandra
alisema amesomea ukocha wa soka Cuba kwa miaka saba na zaidi ya Real de
Kinshasa alisema anafundisha pia timu ya taifa ya wanawake ya DRC. Lakini alisema
anafurahi kufundisha wanaume kuliko wanawake, kwa sababu ya nidhamu. “Wanawake
wana dharau sana, lakini wanaume wana heshima, napenda sana kufundisha wanaume,”alisema
alipoulizwa kuhusu changamoto anazokutana nazo katika kazi yake. |
%202.png)
.png)
