%202.png)
.png)
 |
| Mabingwa watetezi Azam, watafuzu? |
Na Mahmoud Zubeiry,
Zanzibar
TIMU mbili zitakazokamilisha
idadi ya timu za kucheza hatua ya Nusu Fainali ya Kombe la Mapinduzi,
zinatarajiwa kujulikana leo, wakati mechi mbili kali zitakapopigwa kwenye viwanja
viwili tofauti visiwani hapa leo.
Coastal Union
ya Tanga inayoshiriki michuano hii kwa mara ya kwanza, itaanza kumenyana na Miembeni
kwenye Uwanja wa Mao Dze Tung saa 10:30 jioni, kabla ya mabingwa watetezi
kupambana na mabingwa wa zamani wa michuano hii, Mtibwa Sugar kwenye Uwanja wa
Amaan, kuanzia saa 2:30 usiku wa leo.
Azam ndio
inaongoza Kundi B kwa pointi zake nne, wakifuatiwa na Miembeni wenye pointi
tatu, Coastal pointi mbili na Mtibwa yenye pointi moja inashika mkia.
Iwapo Mtibwa
itaifunga Azam na Coastal itatoka sare, timu hiyo ya Manungu itaangaliwa
mustakabali wake wa kufuzu Nusu Fainali kwa kulinganishwa wastani wake wa mabao
na Miembeni.
Coastal
wakishinda wanaweza kufuzu moja kwa moja hata kama Mtibwa ikiifunga Azam, kwani
watafikisha pointi tano.
Kwa ujumla,
hadi sasa timu yoyote kati ya zote nne za Kundi B inaweza kufuzu Nusu Fainali na
hii inamaanisha hili ndilo lilikuwa Kundi la kifo.
