SIMBA HUENDA IKAAMBULIA DOLA 200,000 TU MAUZO YA OKWI

Okwi

Na Mahmoud Zubeiry

PAMOJA na kumuuza kwa dau la dola za Kimarekani, 300,000 mshambuliaji wake wa kimataifa wa Uganda, Emannuel Okwi katika klabu ya Etoile du Sahel ya Tunisia, lakini klabu hiyo inaweza kujikuta inaambulia dola 200,000 tu.

Hiyo inatokana na makato mengine ya kisheria yanayoingia katika mauzo hayo, ikiwemo asilimia 20 ya klabu yake ya zamani, SC Villa ya Uganda, ambayo ni sawa na dola 60,000.

Pamoja na hayo, inaelezwa kuna fungu la wakala aliyefanikisha mpango huyo ambaye ana mkataba na Okwi.

Simba ilimuuza Okwi klabu ya Etoile du Sahel ya Tunisia kwa dau la dola za Kimarekani 300,000, zaidi ya Sh Milioni 450 za Tanzania.

Okwi, aliyezaliwa Desemba 25, mwaka 1992 aliisajiliwa Simba akitoea SC Villa ya Uganda mwaka 2010 akiwa kinda wa miaka 17, akisajiliwa kwa dau la dola za Kimarekani 40,000.

Baada ya kumaliza mkataba wake wa awali, Desemba mwaka jana aliongeza mkataba wa miaka miwili na Simba SC ambao kabla hajaanza kuutumikia, anahamia Sahel.

Thursday, January 24, 2013