Tovuti Hii hutembelewa na zaidi ya watu 60,000 kila siku, kutangaza biashara yako na www.binzubeiry.co.tz,
Tuma maombi kwa barua pepe 4thebetter[at]gmail[dot]com.
  • HABARI MPYA

    Wednesday, July 20, 2016

    AZAM FC NAYO YALETA MZIMBABWE, NI MKALI WA MABAO BRUCE KANGWA

    NYOTA wa Kimataifa ya Zimbabwe, Bruce Kangwa, ametua nchini jioni ya leo tayari kabisa kufanya majaribio ya kujiunga na Klabu Bingwa ya Afrika Mashariki na Kati Azam FC.
    Kangwa anatokea kwa vinara wa Ligi Kuu nchini humo Highlanders FC na mpaka sasa ligi hiyo ikiwa mapumzikoni kufuatia kumaliza mzunguko wa kwanza, amefanikiwa kuwa kileleni kwa ufungaji bora akiwa na mabao saba.
    Mzimbabwe huyo ameshachezea timu yake ya Taifa mechi 20 na mpaka sasa yupo kwenye kikosi hicho na anamudu kucheza nafasi tatu tofauti uwanjani, beki wa kushoto, winga wa kushoto na mshambuliaji.
    Akizungumza mara baada ya kuwasili nchini jana, Kangwa alisema kuwa amejipanga kufanya vizuri kwenye majaribio hayo.

    Bruce Kangwa akiwasili Uwanja wa Ndege wa Kimataifa wa Julius Nyerere (JNIA), Dar es Salaam jana

    “Ninajisikia vizuri sana nikiwa mchezaji wa kigeni kupata nafasi ya kujaribiwa na Azam FC, haya ni  mafanikio makubwa sana, mchezaji wa Zimbabwe kuja hapa kwa majaribio ni mafanikio kwani kuna wachezaji wengi hata katika nchi nyingine, niko hapa kuonyesha uwezo wangu nina uhakika nitafanikiwa kusajiliwa,” alisema.
    Kangwa, 27, anaungana na wachezaji waliokuwa kwenye majaribio, beki Mohamed Chicoto (Niger), washambuliaji Ibrahima Fofana (Ivory Coast), Fuadi Ndayisenga (Burundi) na Mossi Moussa Issa (Niger).
    • Blogger Comments
    • Facebook Comments

    0 comments:

    Post a Comment

    Note: Only a member of this blog may post a comment.

    Item Reviewed: AZAM FC NAYO YALETA MZIMBABWE, NI MKALI WA MABAO BRUCE KANGWA Rating: 5 Reviewed By: BIN ZUBEIRY SPORTS - ONLINE

    PATA HABARI POPOTE ULIPO. ZIKITUFIKIA ZITAKUFIKIA

    Scroll to Top