Tovuti Hii hutembelewa na zaidi ya watu 60,000 kila siku, kutangaza biashara yako na www.binzubeiry.co.tz,
Tuma maombi kwa barua pepe 4thebetter[at]gmail[dot]com.
  • HABARI MPYA

    Sunday, July 17, 2016

    JUMA ABDUL MCHEZAJI BORA, PLUIJM KOCHA BORA, HAJIB AMBWAGA TAMBWE BAO BORA

    Na Mahmoud Zubeiry, DAR ES SALAAM
    BEKI wa Yanga, Juma Abdul Jaffar Mnyamani ameshinda tuzo ya Mchezaji Bora wa Ligi Kuu ya Vodacom Tanzania Bara msimu wa 2015/2016.
    Katika sherehe za utoaji wa tuzo hizo usiku huu ukumbi wa Double Tree Hotel By Hilton, Masaki, Dar es Salaam, Abdul ambaye pia ni mchezaji wa timu ya taifa, Taifa Stars amewashinda beki mwenzake, Mohammed Hussein ‘Tshabalala’ wa Simba na kiungo wa Mtibwa Sugar, Shizza Kichuya.
    Na kwa ushindi huo, Abdul mbali na kukabidhiwa taji na mgeni rasmi, Waziri wa Mambo ya Ndani, Mwigulu Nchemba, pia atazawadiwa fedha Sh Milioni 9.2 wakati klabu yake, Yanga SC itazawadiwa Sh. Milioni 81.3 kwa kuwa bingwa, huku Sh. Milioni 40.6 zikienda kwa washindi wa pili, Azam FC, Sh Milioni 29 zikienda kwa washindi wa tatu, Simba SC na Sh. Milioni 23.2 zikienda kwa Prisons washindi wa nne.
    Waziri wa Mambo ya Ndani, Mwigulu Nchemba (kulia) akimkabidhi Tuzo ya Mchezaji Bora wa Ligi Kuu, Juma Abdul (kushoto) usiku huu hoteli ya Double Tree By Hilton
    Rais wa TFF, Jamal Malinzi akimkabidhi mfano wa Hundi, Thabani Kamusoko aliyeongozana na mkewe Bongile Sibanda (kushoto) na mwanawe, Shanna Lee
    Kipa bora wa zamani, Mwameja Mohammed (kushoto) akimkabidhi tuzo ya Kipa Bora wa Ligi Kuu, Aishi Manula (kulia)
    Rais wa zamani wa TFF, Wakili Said El Maamry (kulia) akimkabidhi Ngole Mwangole tuzo ya Refa Bora
    Hans van der Pluim akipunga mkono baada ya kukabidhiwa tuzo yake ya Kocha Bora wa Ligi Kuu
    Mshambuliaji wa zamani wa kimataifa nchini, Mohammed Hussein 'Mmachinga' akimkabidhi tuzo ya Mfungaji Bora, Amissi Tambwe
    Ofisa Mkuu wa Masoko wa Vodacom, Ashutosh Tiwary akimkabidhi Mohammed Hussein 'Tshabalala' mfano wa Hundi kwa kuwa Mchezaji Bora Chipukizi
    Mshambuliaji wa zamani wa kimataifa wa Tanzania, Profesa Madundo Mtambo akimkabidhi Ibrahim Hajib mfano wa hundi kwa kushinda tuzo ya Bao Bora la msimu 
    Washindi wote wa tuzo za Ligi Kuu, kutoka kulia Tshabalala, Kamusoko, Tambwe, Juma Abdul, Aishi Manula na Hajib

    Aishi Salum Manula wa Azam FC ameshinda tuzo ya kipa Bora akiwaangusha Deo Munishi ‘Dida’ wa Yanga na Benno Kakolanya wa Prisons na kuzawadiwa Sh. Milioni 5.7 huku mfungaji bora Amissi Tambwe wa Yanga akizawadiwa pia Sh. Milioni 5.7.
    Thabani Michael Kamusoko ameshinda tuzo ya Mchezaji Bora wa Kigeni, akiwaangusha Mzimbabwe mwenzake anayecheza naye Yanga SC, Donald Ngoma na kipa Muivory Coast wa Simba, Vincent Agban hivyo kuzawadiwa Sh. Milioni 5.7 pia.
    Mholanzi Hans van der Pluijm ameshinda tuzo ya Kocha Bora na kuzawadiwa Sh. Milioni 8, akiwaangusha Mecky Maxime wa Mtibwa Sugar na Salum Mayanga wa Prisons.
    Tshabalala ameshinda tuzo ya Mchezaji Bora Chipukizi akiwaangusha Farid Mussa wa Azam na Shizza Kichuya wa Mtibwa Sugar na kuzawadiwa Sh. Milioni 4.
    Ibrahim Hajib wa Simba ameshinda tuzo ya Bao Bora la Msimu na kuzawadiwa Sh. Milioni 3 akimuangusha Tambwe wa Yanga, wakati Mtibwa Sugar imezibwaga JKT Ruvu na Mgambo Shooting katika tuzo ya Timu yenye Nidhamu na kuzawadiwa Sh. Milioni 17.2.
    Ngole Mwangole ameshinda tuzo ya Refa Bora na kuzawadiwa Sh. Milioni 5.7 baada ya kuwaangusha Anthony Kayombo na Rajab Mrope.
    • Blogger Comments
    • Facebook Comments

    0 comments:

    Post a Comment

    Note: Only a member of this blog may post a comment.

    Item Reviewed: JUMA ABDUL MCHEZAJI BORA, PLUIJM KOCHA BORA, HAJIB AMBWAGA TAMBWE BAO BORA Rating: 5 Reviewed By: BIN ZUBEIRY SPORTS - ONLINE

    PATA HABARI POPOTE ULIPO. ZIKITUFIKIA ZITAKUFIKIA

    Scroll to Top