HABARI MOTOMOTO

HABARI ZA NYUMBANI

HABARI PICHA

HABARI ZA KIMATAIFA

MAKALA

FAINALI- KOMBE LA MFALME, KOMBE LA FA ENGLAND NA KOMBE LA UJERUMANI





MAKTABA YA BIN ZUBEIRY

HUYU HAPA MOURINHO NA UZI WA MAN UNITED, ZAMA MPYA OLD TRAFFORD

KLABU ya Manchester United imemtangaza rasmi Jose Mourinho kuwa kocha wake mpya, akirithi mikoba ya Mholanzi, Louis Van Gaal aliyeondolewa wiki iliyopita.
Kocha huyo amesaini Mkataba wa miaka mitatu wenye thamani ya Pauni Milioni 45 na atapewa Pauni Milioni 200 kwa ajili ya ajili ya usajili kuelekea msimu mpya.
Na Mreno huyo ametua Man United kutokana na klabu hiyo kuvutiwa na wasifu wake mzuri akiwa ameshinda mataji yote ya Ulaya na Ligi za Serie A ya Italia, Ligi Kuu ya England na La Liga ya Hispania.
Benfica ndiyo ilikuwa timu yake ya kwanza, ambako baada ya mechi 11, aliweka rekodi ya ushindi wa asilimia 54.55 kabla ya kuhamia Uniao de Leiria.

Kocha Jose Mourinho akiwa na jezi ya Man United baada ya kutambulishwa rasmi kuwa kocha timu hiyo leo PICHA ZAIDI GONGA HAPA


Na baada ya mechi 20, akachukuliwa na Porto na huko ndiko rasmi umaarufu wake kama kocha ulipoibukia.
Ilimchukua Mourinho misimu miwili tu kufanya ambacho hakikufikiriwa baada ya kuwaongoza vigogo hao wa Ureno kutwaa taji la Ligi ya Mabingwa Ulaya wakiifunga Monaco ya Ufaransa kwenye fainali. 
Kocha huyo mwenye umri wa miaka 53 baada ya mafanikio hayo akajipa 'Special One' wakati anawasili Chelsea na akapata umaarufu zaidi baada ya kushinda mataji katika misimu yake miwili ya mwanzo Stamford Bridge.
Pia ameshinda mataji ya Kombe la FA na mawili ya Kombe la Ligi England, lakini mmiliki wa Chelsea, bilionea Mrusi Roman Abramovich akamuondoa kazini. 
Mreno huyo akahamia Serie A ambako akashinda taji katika msimu wake wa kwanza kabla ya kuiongoza Inter Milan kutwaa mataji msimu uliofuata, likiwemo ya Ligi ya Mabingwa Ulaya. 
Mourinho akaenda kuwa kocha wa 11 wa Real Madrid ndani ya miaka saba na kufanikiwa kuzima ubabe wa Barcelona kutwaa mfululizo mataji ya La Liga kwa kushinda taji la Ligi Kuu ya Hispania, katika msimu wake wa pili. 
Hakuweza kutwaa taji la Ulaya na akashindwa kutwaa taji lolote katika msimu wake wa mwisho na akaondoka kwa makubaliano mazuri, kabla ya kurejea Chelsea ambako katika msimu wake wa kwanza akashika nafasi ya tatu kwenye Ligi Kuu kabla ya kushinda taji hilo katika msimu uliofuata na kusaini Mkataba mpya hadi mwaka 2019.
Lakini mwanzo wa msimu wa 2015-16 haukuwa mzuri kwa Mourinho baada ya kuandamwa na matokeo mabaya hadi akaondolewa

MATAJI ALIYOSHINDA MOURINHO
Porto (Mataji 6)
Januari 2002 - Mie 2004
Primeira Liga: 2002-03, 2003-04
Taca de Portugal: 2002-03
Supertaca Candido de Oliveira: 2003
UEFA Champions League: 2003-04
UEFA Cup: 2002-03

Chelsea  (Mataji6)
Juni 2004 - Septemba 2007 
Premier League: 2004-05, 2005-06
FA Cup: 2006-07
League Cup: 2004-05, 2006-07
FA Community Shield: 2005

Inter Milan (Mataji 5)
Juni 2008 - Mei 2010 
Serie A: 2008-09, 2009-10
Coppa Italia: 2009-10
Supercoppa Italiana: 2008
UEFA Champions League: 2009-10

Real Madrid (Mataji 3)
Mei 2010 - June 2013
La Liga: 2011–12
Copa del Rey: 2010–11
Supercopa de Espana: 2012

Chelsea (Mataji 2)
June 2013 - December 2015 
Premier League: 2014-15
League Cup: 2014-15

Tuzo na mataji binafasi
Kocha Bora wa Mwaka wa Onze d'Or: 2005
Kocha Bora wa Dunai wa FIFA: 2010
Kocha Bora wa IFFHS: 2004, 2005, 2010, 2012
Kocha Bora wa Ligi Kuu England wa Mwaka; 2004–05, 2005–06, 2014–15 
Kocha Bora wa Mwaka wa Serie A: 2008–09, 2009–10 
Kocha Bora wa Mwaka wa UEFA: 2002–03, 2003–04
Timu Bora ya Mwaka ya UEFA: 2003, 2004, 2005, 2010 
Kocha Bora wa BBC Sports Personality wa Mwaka; 2005
Mwanamichezo Bpra wa La Gazzetta dello Sport: 2010 Kocha Bora wa Karne wa Ureno: 2015 

AZAM TV YAMWAGA BILIONI 2 TFF KWA AJILI YA LIGI KUU YA VIJANA U-20 NA WANAWAKE

Na Saada Mohammed, DAR ES SALAAM
KAMPUNI ya Azam Media Limited leo imeingia Mkataba na Shirikisho la Mpira wa miguu Tanzania (TFF) wenye thamani ya Sh. Bilioni 2 kurusha matangazo ya moja kwa moja ya Ligi Kuu ya Wanawake Tanzania na Ligi Kuu ya Vijana wa umri chini ya miaka 20.
Zoezi hilo limefanyika Ofisi za makao Makuu ya Azam Media Ltd eneo la TAZARA, Dar es Salaam upande wa TFF ukiwakilishwa na Rais wake, Jamal Malinzi na Azam Media wakiwakilishwa na Mtendaji wake Mkuu, Muingereza Rhys Torrington.
Akizungumza katika hafla hiyo fupi, Torrington amesema Mkataba huo ni wa miaka mitano na lengo laoe ni kuendelea kusaidia kuinua michezo Tanzania.
Mtendaji Mkuu wa Azam Media, Rhys Torrington (wa pili kulia) akibadilishana mikataba na Rais wa TFF, Jamal Malinzi (wa pili kushoto) baada ya kusiani leo. Wengine kulia ni Makamu Mwenyekiti wa Kamati ya Soka ya Wanawake, Rose Kisiwa na Rais wa Kamati hiyo, Amina Karuma
Malinzi na Torrington wakisaini mikataa hiyo, huku wakishuhudiwa na Rais wa Chama cha Soka ya Wanawake (TWFA), Amina Karuma 
Rais wa TWFA, Amina Karuma akiwashukuru Azam Media kwa hisia leo TAZARA

"Baada ya mafanikio ya awali tukiwa na Ligi Kuu ya Wanaume na mashindano mengine, sasa tunapiga hatua nyingine hatika jitihada zetu kuchangia maendeleo ya soka nchini kwa kuingia mikataba ya ligi hizi mbili,"amesema Torrington.
Kwa upande wake, Malinzi amesema kwamba Ligi Kuu ya Wanawake itaanza kwa kushirikisha klabu 10 Agosti mwaka huu na Ligi ya U20 itashirikisha klabu zote za Ligi Kuu ya Wanaume.
"Na Ligi ya U20 itachezwa sambamba na Ligi Kuu ya wanaume, kabla ya mechi za timu za wakubwa, zitatangulia mechi za vijana. Na kila timu itasafirisha timu yake ya vijana kwa mechi za mikoani. Itakuwa ligi kamili na yenye kanuni madhubuti,"amesema Malinzi. 
Malinzi amesema Ligi ya Wanawake itaanza na timu 10 baada ya hapo Chama Cha Soka ya Wanawake (TWFA) kitatengeneza muundo wa timu kupanda na kushuka.
Kuhusu Ligi ya vijana, Malinzi amesema wataunda kanuni kali za Ligi Kuu kuhakikisha klabu zote za ligi hiyo zinashiriki kikamilifu na kwamba klabu itakayoshindwa kuingiza kikosi cha vijana uwanjani itakatwa pointi tatu katika Ligi Kuu ya Vodacom Tanzania Bara  
Malinzi amesema kila klabu ya Ligi Kuu itawajibika kuwa na timu ya U20 kama ilivyo Ada kanuni za uendeshaji wa mashindano haya zitatungwa na TFF na Ligi hizi zitaanza msimu wa 2016/2017.
Kwa upande wake, Mwenyekiti wa TWFA, Amina Kaluma ameishukuru Azam Media Limited kwa kudhamini Ligi Kuu ya Wanawake na kumpongeza Rais wa TFF, Jamal Malinzi kwa jitihada za kufanikisha dili.
Azam Media Ltd imekuwa ikishirikiana na TFF katika kukuza na kuboresha Tasnia ya mchezo wa mpira wa miguu nchini Tanzania kwa kuingia mikataba kama hii ya urushaji wa matangazo ya moja kwa moja katika Ligi Kuu Taznania Bara na Kombe la Shirikisho, maarufu kama Kombe la Azam Sports Federation Cup (ASFC).
Licha ya hivyo Azam Media Ltd imekuwa ikidhamini pamoja na kununua haki za kurusha matangazo ya ligi za mpira wa miguu nje ya nchi kama Uganda (AUPL), Rwanda (ARFC) na Kenya, ikiwa na dhumuni la kuendeleza na kuboresha kiwango cha soka katika ukanda wa Afrika Mashariki.

MAN UNITED KUMPA MOURINHO PAUNI MILIONI 200 ASAJILI WAKALI WAPYA

Jose Mourinho anatarajiwa kutajwa rasmi leo kuwa kocha mpya wa Manchester United  PICHA ZAIDI GONGA HAPA

RATIBA YA ZIARA YA KUJIANDAA NA MSIMU MAN UNITED 

Julai 22 ‒ Borussia Dortmund, Uwanja wa Shanghai, Kombe la Kimataifa
Julai 25 ‒ Manchester City, Uwanja wa Kimataifa wa Beijing, Kombe la Kimataifa
Agosti 7 ‒ Leicester City, Wembley, Ngao ya Jamii
Msimu mpya wa Ligi Kuu ya England utaanza Agosti 13
MANCHESTER United itampa Jose Mourinho Pauni Milioni 200 kusajili wachezaji wapya na wadhamini wa kocha huyo Mreno wametangaza rasmi kwamba sahiba wao huyo anakwenda Manchester.
Mourinho alionekana akirejea nyumbani kwake London amevalia suti kali ya Hugo Boss baada ya kukamilisha mipango ya kuhamia Manchester United.
Kampuni ya Bizarrely, Jaguar — moja ya wadhamini wa Mourinho wametangaza kabla ya klabu hiyo kwamba Jose anahamia United.
United itamtangaza rasmi Mourinho kuwa kocha wao mpya leo na mara moja ataanza kazi ya kusajili kikosi cha msimu ujao.
Kocha huyo wa zamani wa Chelsea atasaini Mkataba wa miaka mitatu wenye thamani ya Pauni Milioni 45 na atapewa bajeti ya Pauni Milioni 200 kwa ajili ya usajili wa kikosi cha msimu ujao.
Mourinho mwenye umri wa miaka 53 tayari ameeleza maeneo katika kikosi cha United, ambayo anafikiri anahitaji kuyaboresha baada ya kikao chake na Makamu Mwenyekiti Mtendaji, Ed Woodward.

TFF YAUTEKA UCHAGUZI WA YANGA, YAANZA KUGAWA FOMU ZA WAGOMBEA KARUME

KAMATI ya Uchaguzi ya Shirikisho la Soka Tanzania (TFF), imetangaza leo Mei 27, 2016 kuanza kwa mchakato wa kuchukua fomu za kugombea uongozi katika Klabu ya Young Africans ya Dar es Salaam inayotarajia kufanya uchaguzi tarehe 25 Juni mwaka huu.
Nafasi zinazogombewa ni pamoja na nafasi ya Mwenyekiti, Makamu Mwenyekiti na wajumbe wanane wa Kamati ya Utendaji.
Makao makuu ya Yanga, eneo la Jangwani, Dar es Salaam

Kwa mujibu wa Mwenyekiti wa Kamati ya Uchaguzi, Aloyce Komba fomu zinapatikana katika ofisi za TFF zilizoko Uwanja wa Kumbukumbu ya Karume, Ilala jijini Dar es Salaam. Vilevile utaratibu unafanyika ili fomu ziweze kupatikana katika tovuti ya shirikisho www.tff.or.tz
Fomu zinapatikana kwa gharama ya Sh 200,000 kwa nafasi ya mwenyekiti na makamu mwenyekiti na Sh 100,000 kwa wagombea wa nafasi ya ujumbe wa kamati ya utendaji. Mwisho wa kuchukua fomu ni tarehe 31 Mei, 2016.

TAIFA STARS YAIFUATA HARAMBEE BILA SAMATTA

Na Mwandishi Wetu, DAR ES SALAAM
MSHAMBULIAJI wa kimataifa wa Tanzania, Mbwana Ally Samatta (pichani kushoto) hataweza kusafiri na Taifa Stars kwenda Nairobi, Kenya kucheza na wenyeji Harambee Stars mchezo wa kirafiki wa kimataifa.
KRC Genk imemuombea Samatta kutorejea nchini kwa ajili ya mchezo huo kwa sababu inamuhitaji katika mechi ya mchujo wa mwisho wa kuwania tiketi ya kucheza michuano ya Europa League.
Na kwa ombi hilo la timu hiyo ya Ubelgiji, Samatta hatakuwemo kwenye msafara wa unaoondoka kesho saa 12.00 Alfajiri chini ya makocha wake, Charles Boniface Mkwasa na Hemed Morocco.
Mchezo huo ni maandalizi ya kujiandaa kucheza Misri Juni 4, 2016 katika mchezo wa kuwania kufuzu kucheza fainali za Kombe la Mataifa ya Afrika (AFCON-2017) wakati Kenya pia itakuwa na mchezo dhidi ya Congo.
Mkwasa maarufu kama Master, alitangaza kikosi cha timu hiyo leo Mei 18, 2016 mbele ya waandishi wa habari kwenye Ukumbi wa mikutano wa Shirikisho la Soka Tanzania (TFF), Uwanja wa Kumbukumbu ya Karume, Ilala jijini Dar es Salaam.

Mchezo huo unadumisha uhusiano na upendo wa enzi wa nchi za Kenya na Tanzania na umeingizwa kwenye orodha ya viwango vya Shirikisho la Soka la Kimataifa (FIFA).
Kikosi cha Stars kina makipa, Deogratius Munishi (Young Africans), Aishi Manula (Azam FC) na Benny Kakolanya (Tanzania Prisons) wakati mabeki ni Mwinyi Haji na Juma Abdul (Young Africans), Aggrey Moris, David Mwantika na Erasto Nyoni (Azam FC), Mohammed Hussein (Simba) na Vicent Andrew (Mtibwa Sugar).
Viungo ni Himid Mao, Farid Mussa (Azam), Jonas Mkude na Mwinyi Kazimoto (Simba), Mohammed Ibrahim na Shiza Kichuya (Mtibwa Sugar), Ismail Issa (JKT Ruvu), Juma Mahadhi (Coastal Union) na Hassan Kabunda (Mwadui FC) wakati washambuliaji ni Thomas Ulimwengu (TP Mazembe), Mbwana Samatta (KDC Genk), Elias Maguli (Stand United), Ibrahim Ajib (Simba), John Bocco (Azam), Deus Kaseke (Young Africans) na Jeremiah Juma (Tanzania Prisons).
Wakati huo huo: Shirikisho la Soka Barani Afrika (CAF), limemteua Michael Richard Wambura kuwa Kamishna wa mchezo wa kuwania kufuzu fainali za Kombe la Mataifa ya Afrika kati ya Rwanda na Msumbiji unaotarajiwa kufanyika jijini Kigali, Juni 3, 2016.
Wambura ambaye amewahi kuwa Katibu Mkuu wa Shirikisho la Soka Tanzania (TFF), atakuwa Balozi mzuri katika mchezo huo unaokutanisha timu ambazo nchi imepana nazo. Msumbiji iko Kusini mwa Tanzania wakati Rwanda iko Magharibi mwa Tanzania.

WACHEZAJI 44 WAFUZU MAJARIBIO YA AWALI MBEYA CITY

Na Doreen Favel, MBEYA
ZOEZI kusaka nyota wapya (vijana) ambao wataingizwa kwenye timu  mbili za Mbeya City Fc U20 na ile ya wakubwa limefikia kwenye hatua nzuri hivi sasa baada ya wachezaji 44 kupatikana kwenye mchujo wa awali  uliolifanyika  leo ikiwa ni baada ya  siku nne   za mazoezi.
Akizungumza baada ya kumalizika kwa mazoezi ya leo kwenye Uwanja wa Sokoine mjini hapa, Kocha Msaidizi wa City, Mohamed Kijuso amesema kuwa vijana 44 wamevuka mchujo wa kwanza na wataingia kwenye wamu ya pili inayotarajiwa kuanza.

“Tulikuwa na kundi kubwa la wachezaji zaidi ya 106, baada ya mchujo leo, tumefanikiwa kupata  44 ambao wataingia kwenye awamu ya pili hapo kesho, lengo letu ni kuona tunapata walio bora kwa ajili ya timu yetu ya vijana na pia wachezaji saba ambao watakuwa tayari kucheza kwenye timu kubwa msimu ujao”, alisema. 
Aidha, Kijuso amesema mchakato huo wa kusaka vipaji ambao ilikuwa ufikie tamati kesho, umesogezwa mbele mpaka hadi Jumamosi. "Wachezaji watakaopatikana kwenye mchujo wa kesho watapata nafasi ya kucheza mchezo mmoja wa kirafiki dhidi ya timu ya  Ilemi FC,"amesema.

HII NDIYO UKISIKIA 'BEKI ANAKABA' KAMA AGGREY NA MSUVA JANA

Beki wa Azam FC, Aggrey Morris akimdhibiti winga wa Yanga, Simon Msuva katika mchezo wa fainali ya Kombe la Shirikisho la Soka Tanzania (TFF), maarufu kama Kombe la Azam Sports Federation Cup (ASFC) Uwanja wa Taifa, Dar es Salaam. Yanga ilishinda 3-1
Msuva akienda chini baada ya kuzidiwa nguvu na Aggrey
Aggrey anajizuia kumuangukia Msuva baada ya kufanikiwa kumsimamisha
Aggrey anaangukia upande wake pili kukwepa kumuangukia Msuva
Ilianzia hivi; Aggrey alimkimbilia kwa kasi Msuva ili aupitie mpira miguuni mwake



Lakini Msuva akafanikiwa kuudokoa mpira ukatangulia naye akamruka Aggrey, ndipo beki wa Azam akatumkia maarifa ya ziada kumzuia winga wa Yanga

MALINZI ‘AMUANGUKIA’ CANNAVARO AENDE STARS, MWENYEWE AEMA; “AAAH WAPIII”

Na Mahmoud Zubeiry, DAR ES SALAAM
RAIS wa Shirikisho la Soka Tanzania (TFF), Jamal Malinzi jana alilazimika kusitisha kwa muda zoezi la kusalimiana na wacheaji ili kuzungumza na Nahodha wa Yanga, Nadir Haroub ‘Cannavaro’ kumsihi aitikie wito wa kocha Charles Boniface Mkwasa timu ya taifa.
Malinzi aliyekuwa mgeni rasmi katika fainali ya Kombe la TFF, maarufu kama Kombe la Azam Sports Federation Cup (ASFC), kati ya Azam na Yanga iliyoshinda 3-1 jana, alisimama kwa sekunde kadhaa kumnong’oneza Cannavaro.
Kama ilivyokuwa hisia za wengi – kwamba anambembeleza Cannavaro aitikie wito wa Mkwasa Stars, na ndivyo ilivyokuwa.
Cananavaro aliiambia BIN ZUBEIRY SPORTS – ONLINE jana baada ya mechi kwamba Rais Malinzi alimsihi aende Taifa Stars.

Rais wa TFF, Jamal Malinzi (kulia) akizungumza na Cannavaro jana Uwanja wa Taifa



“Mimi sitajiunga na timu, nimemsikia Rais, nitakwenda kwa kocha (Mkwasa) na kumueleza rasmi uamuzi wangu wa kustaafu Taifa Stars,”amesema Cannavaro.
Beki huyo wa kati amesema kitendo alichofanyiwa na Mkwasa si cha kiungwana kumvua Unahodha wa Taifa Stars kupitia vyombo vya Habari yeye akiwa majeruhi, hivyo ameona bora astaafu tu.
Mapema mwaka huu, Mkwasa alimtangaza mshambuliaji wa KRC Genk, Mbwana Samatta kuwa Nahodha mpya wa Taifa Stars badala ya Cannavaro.
Na Mkwasa alisema alifikia uamuzi huo, baada ya Samatta kushinda tuzo ya Mwanasoka Bora Anayecheza Afrika akiwa TP Mazembe aliyoshinda nayo taji la Ligi ya Mabingwa Afrika kabla ya kuhamia Genk.
Mkwasa alisema amempa Unahodha Samatta ili kumhamasisha ahamishie mafanikio ya klabu katika timu ya taifa.
Malinzi pia alipata fursa ya kuzungumza na Cannavaro wakati anakabidhi zawadi za ushindi wa Yanga


Lakini kosa la wazi, Mkwasa hakukutana na Cannavaro kujadili naye kabla na kwa sababu hiyo Mzanzibari huyo amesusa Taifa Stars.
Mkwasa ametaja kikosi cha Stars kitakachocheza na Kenya Mei 29 mjini Nairobi ndani yake akimjumuisha Cannavaro na kumrejesha kipa Deogratius Munishi ‘Dida’, akimtema Ally Mustafa ‘Barthez’, wote wa Yanga.
Kikosi kamili alichotaja Mkwasa kinaundwa na makipa; Deo Munishi ‘Dida’ (Yanga SC), Aishi Manula (Azam FC), Beno Kakolanya (Prisons FC).
Mabeki; Nadir Haroub ‘Cannavaro’ (Yanga SC), Aggrey Morris (Azam FC), Erasto Nyoni (Azam FC), David Mwantika (Azam FC), Juma Abdul (Yanga SC), Mwinyi Hajji Mngwali (Yanga SC) na Mohammed Hussein ‘Tshabalala’ (Simba SC).
Viungo; Himid Mao (Azam Fc), Mohammed Ibrahim (Mtibwa Sugar), Shizza Kichuya (Mtibwa Sugar), Jonas Mkude (Simba SC), Ismail Issa Juma (JKT Ruvu), Mwinyi Kazimoto (Simba SC), Farid Mussa (Azam FC), Juma Mahadhi na Hassan Kabunda (Mwadui FC).
Washambuliaji Thomas Ulimwengu (TP Mazembe – DRC), Mbwana Samatta (KRC Genk – Ubelgiji), Elias Maguri (Stand United), Ibrahim Hajib (Simba SC), John Bocco (Azam FC), Deus Kaseke (Yanga SC) na Jeremiah Juma (Prisons).
Mchezo dhidi ya Kenya ni sehemu ya maandalizi kwa timu zote mbili kabla ya mechi za kuwania kufuzu kwa Fainali za Mataifa Afrika mwezi ujao.
Taifa Stars inatarajiwa kuingia kambini leo kujiandaa na mchezo huo wa kirafiki kabla ya kuwakabili Misri katika Uwanja wa Taifa, Dar es Salaam Juni 4, mwaka huu.

KIIZA ALALAMIKA KUDHULUMIWA UFUNGAJI BORA KOMBE LA ASFC

Na Princess Asia, DAR ES SALAAM
MSHAMBULIAJI wa Simba SC, Hamisi Friday Kiiza amesema kwamba yeye ndiye mfungaji bora wa michuano ya Kombe la Shirikisho la Soka Tanzania (TFF), Kombe la Azam Sports Federation Cup (ASFC) 2016.
Akizungumza na BIN ZUBEIRY SPORTS – ONLINE leo, mshambuliaji huyo wa Uganda amesema kwamba alishangaa jana TFF kumtaja mchezaji wa Ndanda FC, Atupele Green Jackson ndiye mfungaji bora.
“Nimeshangaa sana, mimi ndiye mfungaji bora, nimefunga mabao matano jumla katika mashindano haya hadi tunatolewa Robo Fainali,”amesema Kiiza.
Mshambuliaji wa kimataifa wa Uganda, Hamisi Kiiza amelalamikia kudhulumiwa ufungaji bora wa Kombe la ASFC

Mchezaji huyo wa zamani wa Yanga, amesema alifunga mabao mawili katika mechi dhidi ya Burkina Fasso mjini Morogoro na mawili mengine dhidi ya Singida United na moja dhidi ya Coastal Union, yote Dar es Salaam.
Akizungumzia madai ya Kiiza, Kaimu Mkurugenzi wa Mashindano wa TFF, Jemadari Said Kazumari amesema kwamba kwa mujibu wa rekodi walizonazo, Atupele ndiye aliyefunga mabao mengi.
“Kwa mujibu wa rekodi zetu, Atupele ndiye mfungaji bora, tena si kwa tu kufunga mabao mengi kwenye mashindano, hata kufunga mabao mengi katika mechi moja. Ndiye mchezaji aliyefunga mabao manne kwenye mechi moja,”amesema Jemadari.
Michuano ya Kombe la TFF ASFC jana imefikia tamati kwa Yanga kutwaa ubingwa, ikiifunga Azam FC mabao 3-1 katika fainali Uwanja wa Taifa, Dar es Salaam.
Aidha, mbali na Atupele kutangazwa mfungaji bora jana, kipa wa Azam FC, Aishi Manula ameshinda tuzo ya mlinda mlango bora na beki wa Yanga, Juma Abdul ndiye mchezaji bora wa mashindano.
Atupele Jackson baada ya kukabidhiwa tuzo yake ya mfungaji bora wa Kombe la ASFC jana
    

Kiiza mbali na kuikosa tuzo ya ufungaji bora wa Kombe la ASFC, pia alizidiwa kete na mshambuliaji wa Yanga, Amissi Tambwe katika ufungaji bora wa Ligi Kuu ya Vodacom Tanzania Bara.
Kiiza amemaliza na mabao 19, ingawa hakucheza mechi mbili za mwisho baada ya kutofautiana na uongozi wa Simba, wakati Tambwe alimaliza na mabao 21.
Tayari Kiiza ameamua kuachana na Simba SC baada ya msimu kutokana na tofauti zake na uongozi.

WAGHANA WAIHOFIA YANGA YA PLUIM, MTENDAJI MKUU ASEMA LITAKUWA 'MECHI LA KUFA MTU'

TIMU ye Medeama ya Ghana imesema itakuwa shughuli pevu kukutana Yanga SC ya Tanzania katika hatua ya makundi ya Kombe la Shirikisho Afrika, kwa sababu sasa inafundishwa na kocha wao wa zamani, Mholanzi Hans van der Pluijm.
Mtendaji Mkuu wa Medeama, James Essilfie amesema hayo jana baada ya kupangwa droo ya makundi ya Kombe la Shirikisho, wao wakiangukia Kundi A pamoja na Yanga, TP Mazembe ya DRC na Mo Bejaia ya Algeria.
"Yanga inafundishwa na Hans Van der Pluijm, kocha wa zamani wa Medeama na kucheza nao itakuwa mechi nzuri,"amesema Essilfie na kuongeza;
"Tumefurahishwa na makundi, timu nyingine katika kundi zitasaidia kuonyesha ubora wa Medeama. Wengi walitilia shaka uwezo wetu tulipopangiwa Mamelodi Sundaowns (ya Afrika Kusini) katika hatua ya mchujo, lakini tumethibitisha ubora wetu," amesema Essilfie ambaye timu yake iliitoa Mamelodi na kuingia kwenye makundi.
Medeama nayo inavaa jezi za kijani na njano kama Yanga
Ameongeza; "Kundi hili litatuhamaisha na nina uhakika tutafika mbali. TP Mazembe haitishi kama ilivyokuwa kabla. Wakati tumekuwa tukifanya vizuri dhidi ya timu za kiwango cha juu. MO Bejaia imewatoa mabingwa wa Ghana, Ashantigold, na tunatumai tutawalipia kisasi,". 
Medeama imepangwa Kundi A katika Kombe la Shirikisho Afrika pamoja na mabingwa wa zamani barani, TP Mazembe ya DRC, MO Bejaia ya Algeria na Yanga ya Tanzania.
Kundi B linaundwa na timu za Kaskazini mwa Afrika tupu ambazo ni Etoile du Sahel ya Tunisia ambao ni mabingwa watetezi, Ahly Tripoli ya Libya, FUS Rabat na Kawkab zote za Morocco.
Medeama wataanzia ugenini kwa TP Mazembe mjini Lubumashi Juni 17, siku ambayo Yanga itakuwa ugenini kwa MO Bejaia nchini Algeria Juni 17.

Ikitoka Lubumbashi itamenyana na MO Bejaia kabla ya kuifuata Yanga Julai 15 mjini Dar es Salaam.

BENITEZ ASAINI MKATABA MPYA WA MIAKA MITATU NEWCASTLE UNITED

Kocha Mspanyola, Rafa Benitez (kulia)  akisaini Mkataba mpya wa miaka mitatu kuendelea kuifundisha Newcastle Unit3ed, licha ya The Magpies kushuka hadi Daraja la Kwanza na amesema anaamini atairejesha Ligi Kuu ya England msimu ujao na kuifanya iwe tishio tena PICHA ZAIDI GONGA HAPA

MAN UNITED WATAKA KUSAJILI MIDO KIRAKA LA ATLETICO MADRID

KLABU ya Manchester United inataka kumsajili mchezaji mwenye thamani ya Pauni Milioni 54, Saul Niguez wa Atletico Madrid, ikiwa ni sehemu ya mipango ya kocha mpya mtarajiwa, Jose Mourinho.
Saul ni moja ya bidhaa adimu kwa sasa Hispania na bao lake pekee dhidi ya Bayern Munich katika mchezo wa kwanza wa Nusu Fainali ya Ligi ya Mabingwa Ulaya limezidi kumpadisha chati.
Kinda huyo wa umri wa miaka 21, yuko sawa na Renato Sanches, ambaye Man United walijaribu kumsajili akiwa Benfica kabla ya kuzidiwa kete na Bayern.

Kiungo wa Atletico Madrid, Saul Niguez anatakiwa Manchester United ya msimu ujao  PICHA ZAIDI GONGA HAPA

Saul amecheza mashindano yote akiwa na Atletico kwa misimu miwili iliyopita na kutokea kuwa tegemeo la kocha Diego Simeone katika kikosi chake cha kwanza.
Anaweza kucheza kama kiungo kati au wa pembeni — ana uhakika wa kupata namba mbele ya Mourinho. Wakati akicheza kwa mkopo Rayo Vallecano msimu wa 2013-14, Saul alicheza pia kama beki wa kati.
Hajawahi kuchezea kikosi cha Hispania cha wakubwa, lakini
Saul amechezea mechi 47 vikosi vya timu za vijana za nchi hiyo.
Kwa mara ya kwanza aliitwa kikosi cha wakubwa mwaka jana kwa ajili ya mchezo wa kirafiki dhidi ya Costa Rica na wa kufuzu Euro 2016 dhidi ya Belarus, lakininhakukanyaga uwanjani kwenye mechi. 
Pamoja na hayo, kocha wa Hispania, Vicente del Bosque amemjumuisha kwenye kikosi cha mwisho cha wachezaji 23 kitakachokwenda kwenye michuano ya Euro 2016 nchini Ufaransa.

TFF YAWACHOMOLEA CECAFA KUANDAA KOMBE LA KAGAME

Na Mahmoud Zubeiry, DAR ES SALAAM
TANZANIA imejitoa kuandaa michuano ya Klabu Bingwa Afrika Mashariki na Kati, maarufu kama Kombe la Kagame mwaka 2016.
Rais wa Shirikisho la Soka Tanzania (TFF), Jamal Malinzi amesema mapema leo kwamba kujitoa kwako kumetokana na kubanwa na ratiba za mashindano mbalimbali ya kimataifa kati ya Juni na Septemba.
“Shirikisho la mpira wa miguu Tanzania halitaandaa mashindano ya CECAFA Kagame cup 2016. Hii ni kutokana na muingiliano wa ratiba ya kimataifa,”amesema Malinzi katika taarifa yake fupi kwa Wahariri wa Vyombo vya Habari nchini leo.


Mabingwa Azam walimpelekea Ikuku, aliyekuwa Rais wa Jamhuri ya Muungano wa Tanzania, Jakaya Kikwete Kombe la Kagame mwaka jana. Pichani Nahodha Msaidizi, Himid Mao anamkabidhi taji hilo 

TFF ililikubalia Baraza la Vyama vya Soka Afrika Mashariki na Kati (CECAFA) kuandaa kwa mara ya pili michuano ya Kombe la Kagame mwaka huu, baada ya mwaka jana kuwa mwenyeji wa mashindano hayo.
Katika mashindano ya mwaka jana, Azam FC waliibuka mabingwa baada ya kuifunga Gor Mahia ya Kenya katika fainali 2-0, mabao ya Nahodha, John Bocco dakika ya 17 na Kipre Herman Tchetche dakika ya 64 Uwanja wa Taifa, Dar es Salaam.
Na inaonekana wazi TFF imamua kuachana na Kombe la Kagame, baada ya timu yenye mvuto zaidi wa mashabiki nchini, Yanga SC kufuzu hatua ya makundi ya Kombe la Shirikisho Afrika hivyo haitaweza kushiriki michuano hiyo ya CECAFA.
Na inaonekana TFF inaona inahofia kupata hasara kufanya mashindano hayo bila ya Yanga kushiriki – wakati huo huo inaonekana pia timu nyingine yenye mashabiki wengi nchini, Simba SC haiko tayari.
Yanga ambao ni mabingwa wa mataji yote matatu nchini msimu huu, Ngao ya Jamii, Kombe la Ligi na Kombe la TFF maarufu kama ASFC, imepangwa Kundi A katika Kombe la Shirikisho Afrika pamoja na mabingwa wa zamani barani, TP Mazembe ya DRC, MO Bejaia ya Algeria na Medeama ya Ghana.

Winga machachari wa Azam FC, Farid Mussa Malik akiruka na mpira wake kwanja la beki wa Gor Mahia, Harun Shakava katika mchezo wa fainali ya Kagame Agosti 2, mwaka jana Uwanja wa Taifa

Kundi B linaundwa na timu za Kaskazini mwa Afrika tupu ambazo ni Etoile du Sahel ya Tunisia ambao ni mabingwa watetezi, Ahly Tripoli ya Libya, FUS Rabat na Kawkab zote za Morocco.
Yanga watafungua dimba na Mouloudia Olympique Bejaia nchini Algeria Juni 17, mwaka huu katika Kundi A Kombe la Shirikisho Afrika.
Siku hiyo, mabingwa wa zamani wa Afrika, TP Mazembe ya DRC watakuwa wenyeji wa Medeama ya Ghana katika mchezo mwingine wa kundi hilo.
Mechi za Kundi B siku hiyo; Kawkab Marakech watakuwa wenyeji wa mabingwa watetezi Etoile du Sahel katika mchezo wa Kundi B nchini Morocco, wakati F.U.S Rabat watakuwa wenyeji wa Ahly Tripoli nchini Morocco pia.
Ikitoka Algeria, Yanga itarejea nyumbani kuikaribisha TP Mazembe Juni 28, kabla ya kumaliza na Medeama ya Ghana Julai 15, Dar es Salaam pia.

YANGA NA AZAM KATIKA PICHA JANA UWANJA WA TAIFA

Beki wa Yanga, Kevin Yondan (kushoto) akimiliki mpira pembeni ya mshambuliaji wa Azam FC, John Bocco katika mchezo wa fainali ya Kombe la Shirikisho la Soka Tanzania (TFF), maarufu kama Kombe la Azam Sports Federation Cup Uwanja wa Taifa, Dar es Salaam. Yanga ilishinda 3-1
Beki wa Yanga, Juma Abdul (kushoto) akimdhibiti winga wa Azam FC, Farid Mussa jana
Kiungo wa Yanga, Haruna Niyonzima akimtoka beki wa Azam FC jana
Miguu mitatu ikiwania kuupiga mpira mmoja, wa Bocco (kulia), beki wa Yanga, Vincent Bossou (katikati) na Farid Mussa (kushoto)

Mshambuliaji wa Yanga, Donald Ngoma akijivuta kupiga mpira baada ya kumuacha kiungo wa Azam FC, Jean Baptiste Mugiraneza  

Kiungo wa Azam FC, Mudathir Yahya akimtoka kiungo wa Yanga, Thabani Kamusoko

Kiungo wa Yanga, Deus Kaseke akiupigia hesabu mpira mbele ya kiungo wa Azam FC, Himid Mao

Beki wa Yanga, Juma Abdul (kushoto) akinyoosha mguu kwa kasi kuuzuia mpira uliopigwa na winga wa Azam FC, Farid Mussa

Mshambuliaji wa Azam FC, John Bocco akipambana kupenya katikati ya mabeki wa Yanga, Boccou na Yondan (kushoto)

Rais wa TFF, Jamal Malinzi (kulia) akisalimiana na makocha wa Yanga, JUma Mwambuai na Hans van der Pluijm
Ofisa wa Azam TV akiwavalisha Medali za ushindi wa Kombe la ASFC wachezaji wa Azam FC
Rais wa TFF, Jamal Malinzi akimvalisha Medali beki wa Yanga, Kevin Yondan

NGASSA ALIPOMPOKONYA TUZO JUMA ABDUL TAIFA

Nyota wa zamani wa Yanga, Mrisho Ngassa (katikati) akiwa ameshika tuzo ya Mchezaji Bora wa Kombe la Shirikisho la Soka Tanzania (TFF), maarufu kama Kombe la Azam Sports Federation Cup (ASFC), Juma Abdul (kulia) wakifurahia pamoja na mchezaji mwingine wa timu hiyo, Simon Msuva (kushoto) mara baada ya fainali ya michuano hiyo Jumatano jioni Uwanja wa Taifa, Dar es Salaam. Yanga iliufunga 3-1 Azam FC
Ngassa anayechezea Free State Stars ya Afrika Kusini kwa sasa aliwasili Dar es Salaam Jumatatu kwa mapumziko baada ya kumaliza msimu na siku moja baadaye akaibuka Uwanja wa Taifa kuzishuhudia timu zake za zamani, Azam na Yanga zikimenyana
Ngassa akimkumbatia Msuva kabla ya kwenda kumpokonya tuzo Juma Abdul

JUMA ABDUL MCHEZAJI BORA KOMBE LA ASFC, AISHI KIPA BORA, ATUPELE MFUNGAJI BORA

Beki wa Yanga, Juma Abdul akiinua tuzo yake Mchezaji Bora wa Kombe la Shirikisho la Soka Tanzania (TFF), maarufu kama Kombe la Azam Sports Federation Cup (ASFC) baada ya fainali jioni ya leo, timu yake, Yanga SC ikishinda 3-1 dhidi ya Azam FC Uwanja wa Taifa, Dar es Salaam
Kipa wa Azam FC akipokea tuzo ya mlinda mlango bora wa Kombe la ASFC leo baada ya fainali
Mshambuliaji wa Ndanda FC ya Mtwara, Atupele Green (kushoto) akipokea tuzo ya Mfungaji Bora wa mashindano hayo

MWALI MWINGINE HUYOO JANGWANI

Rais wa Shirikisho la Soka Tanzania (TFF), Jamal Malinzi (kushoto) akimkabidhi Kombe la shirikisho hilo, maarufu kama Kombe la Azam Sports Federation Cup (ASFC), Nahodha wa Yanga, Nadir Haroub 'Cannavaro' (kulia) baada ya kuifunga Azam FC mabao 3-1 katika fainali jioni ya leo Uwanja wa Taifa, Dar es Salaam

Wachezaji wa Yanga wakisherehekea na Kombe lao baada ya kukabidhiwa leo Uwanja wa Taifa


Top