Tovuti Hii hutembelewa na zaidi ya watu 60,000 kila siku, kutangaza biashara yako na www.binzubeiry.co.tz,
Tuma maombi kwa barua pepe 4thebetter[at]gmail[dot]com.
  • HABARI MPYA

    Sunday, January 17, 2016

    DRC WAANZA NA MOTO CHAN 2016, WAITANDIKA ETHIOPIA 3-0 HUYE

    JAMHURI ya Kidemokrasia ya Kongo (DRC) imeanza vyema michuano ya Ubingwa wa Mataifa ya Afrika (CHAN) baada ya kuifunga Ethiopia mabao 3-0 katika mchezo wa Kundi B jioni ya Uwanja wa Huye mjini Kigali, Rwanda.
    Katika mechi hiyo ya tatu ya michuano hiyo inayoshirikisha wachezaji wanaocheza ligi za nchini mwao pekee, DRC ilipata bao lake la kwanza kupitia kwa Guy Lusadisu dakika ya 44.
    Na baada tu ya kuanza kipindi cha pili, Heritier Luvumvu akaifungia DRC bao la pili dakika ya 46, kabla ya Meschack Elia kufunga la tatu dakika 10 baadaye.
    DRC imeanza vyema michuano ya CHAN 2016 kwa kuifunga Ethiopia 3-0

    Ushindi huo unawaweka kileleni DRC kabla ya mchezo mwingine wa kundi B, baina ya Angola na Cameroon.
    Mechi za ufunguzi za Kundi A jana, wenyeji Rwanda walishinda 1-0 dhidi ya Ivory Coast, bao pekee la beki Emery Bayisenge, wakati Gabon ilitoka sare ya 0-0 na Morocco.
    • Blogger Comments
    • Facebook Comments

    0 comments:

    Post a Comment

    Note: Only a member of this blog may post a comment.

    Item Reviewed: DRC WAANZA NA MOTO CHAN 2016, WAITANDIKA ETHIOPIA 3-0 HUYE Rating: 5 Reviewed By: BIN ZUBEIRY SPORTS - ONLINE

    PATA HABARI POPOTE ULIPO. ZIKITUFIKIA ZITAKUFIKIA

    Scroll to Top