Tovuti Hii hutembelewa na zaidi ya watu 60,000 kila siku, kutangaza biashara yako na www.binzubeiry.co.tz,
Tuma maombi kwa barua pepe 4thebetter[at]gmail[dot]com.
  • HABARI MPYA

    Thursday, January 28, 2016

    IBRAHIM HAJIB KUCHUKUA NAFASI YA FARID MUSSA ULAYA

    Na Prince Akbar, DAR ES SALAAM
    MPANGO unafanywa mshambuliaji wa Simba SC, Ibrahim Hajib Migomba apewe nafasi ya winga wa Azam FC, Farid Mussa kwenda kujaribiwa klabu ya FC Olimpija Ljubljana ya Slovenia.
    FC Olimpija Ljubljana Desemba ilituma mwaliko wa majaribio kwa ajili ya Farid, ili akajiunge nayo katika kambi ya Hispania mapema Januari kwa majaribio ya wiki moja, lakini Azam FC ilikataa ofa hiyo.
    Na sababu za Azam FC kukataa ofa hiyo ni kujitokeza wakala aliyeahidi kumpatia nafasi Farid za majaribio Farid katika klabu za Celtic FC ya Ligi Kuu ya Scotland au Athletic Bilbao ya Ligi Kuu ya Hispania.
    Ibrahim Hajib (katikati) anaweza kwenda FC Olimpija Ljubljana ya Slovenia kwa majaribio iwapo mipango itakwenda vizuri 

    Wakala huyo alifanikiwa kuishawishi Azam FC iachane na ofa ya wakala aliyekuwa anataka kumpeleka Farid FC Olimpija Ljubljana, akidai Celtic na Bilbao zinahitaji sana wachezaji aina ya Farid.
    Na sasa, Hajib anaweza kwenda kufanyiwa majaribio na mabingwa hao wa Slovenia, iwapo mipango itakwenda sawa kama inavyoshughulikiwa.
    Kwa sasa Hajib, mchezaji bora wa Desemba, Simba SC yuko nje kwa majeruhi baada ya kuumia wiki iliyopita katika mchezo wa Ligi Kuu ya Vodacom Tanzania Bara dhidi ya Mtibwa Sugar ya Morogoro.
    Hajib, mchezaji aliyetokea katika kikosi cha vijana cha Simba SC kabla ya kutolewa kwa mkopo Mwadui FC akapate uzoefu, alirejea Msimbazi msimu uliopita na mara moja amekuwa tegemeo la timu.
    • Blogger Comments
    • Facebook Comments

    0 comments:

    Post a Comment

    Note: Only a member of this blog may post a comment.

    Item Reviewed: IBRAHIM HAJIB KUCHUKUA NAFASI YA FARID MUSSA ULAYA Rating: 5 Reviewed By: BIN ZUBEIRY SPORTS - ONLINE

    PATA HABARI POPOTE ULIPO. ZIKITUFIKIA ZITAKUFIKIA

    Scroll to Top