Tovuti Hii hutembelewa na zaidi ya watu 60,000 kila siku, kutangaza biashara yako na www.binzubeiry.co.tz,
Tuma maombi kwa barua pepe 4thebetter[at]gmail[dot]com.
  • HABARI MPYA

    Wednesday, January 27, 2016

    UGANDA ‘WEUPE KINOMA’, WATOLEWA MAPEMAAA CHAN

    UGANDA itapanda ndege mapema kesho kurejea nyumbani, Kampala baada ya kutupwa nje ya Michuano ya Ubingwa wa Mataifa ya Afrika (CHAN).
    Korongo wa Kampala wametoa sare ya 1-1 na Zimbabwe katika mchezo wa mwisho wa Kundi D leo mjini Kigali, Rwanda na hivyo wanamaliza na pointi mbili.
    Zambia imemaliza na pointi saba baada ya sare ya 0-0 na Mali leo waliomaliza na pointi tano, ambao kwa pamoja wanakwenda Robo Fainali, huku Zimbabwe ikiungana na Uganda kuaga CHAN ya 2016.

    Na katika mchezo wa leo, chupuchupu Uganda ilale kama si Geoffrey Sserunkuma kuisawazishia bao dakika ya nne ya muda wa nyongeza baada ya kutimu dakika 90 za kawaida, kufuatia William Manondo kuanza kuifungia Zimbabwe dakika ya 49.
    Mechi za makundi zimefikia tamati leo na timu zilizofuzu hatua ya kwanza ya mtoano ni Rwanda, Ivory Coast (Kundi A), Cameroon, DRC (Kundi B), Tunisia na Guinea za Kundi C zinazoungana na Zambia na Mali za Kundi D.
    • Blogger Comments
    • Facebook Comments

    0 comments:

    Post a Comment

    Note: Only a member of this blog may post a comment.

    Item Reviewed: UGANDA ‘WEUPE KINOMA’, WATOLEWA MAPEMAAA CHAN Rating: 5 Reviewed By: BIN ZUBEIRY SPORTS - ONLINE

    PATA HABARI POPOTE ULIPO. ZIKITUFIKIA ZITAKUFIKIA

    Scroll to Top