Tovuti Hii hutembelewa na zaidi ya watu 60,000 kila siku, kutangaza biashara yako na www.binzubeiry.co.tz,
Tuma maombi kwa barua pepe 4thebetter[at]gmail[dot]com.
  • HABARI MPYA

    Wednesday, January 13, 2016

    STAND UNITED YAKAMULIWA 500,000 KWA ‘MCHEZO WA KIJUHA’

    Na Mwandishi Wetu, DAR ES SALAAM
    KAMATI ya Uendeshaji na Usimamizi wa Ligi imeipiga faini ya sh. 500,000 (laki tano) klabu ya Stand United baada ya timu yake kupata kadi zaidi ya tano kwenye mechi ya Ligi Kuu ya Vodacom dhidi ya Coastal Union iliyofanyika Uwanja wa Mkwakwani jijini Tanga. 
    Katika mechi hiyo iliyochezwa Desemba 26, 2015, timu hiyo ilipata kadi saba kinyume na Kanuni ya 42(11) ya Ligi Kuu.
    Wachezaji Fred Mbuna wa Majimaji, na Hamad Kibopile wa Mbeya City watafikishwa kwenye Kamati ya Nidhamu ya Shirikisho la Mpira wa Miguu Tanzania (TFF) kutokana na kufanya vitendo vya utovu wa nidhamu wakati wa mechi kati ya timu zao dhidi ya Azam na Yanga.

    Kibopile aliwatolewa waamuzi lugha za kudhalilisha wakati wa mapumziko kwenye mechi dhidi ya Yanga, huku Mbuna akipiga teke chupa ya maji, na maji hayo kuwarukia waandishi wa habari wakati wakiripoti mechi hiyo mjini Songea.
    Simba imepigwa faini ya sh. 500,000 (laki tano) kutokana na washabiki wake kumrushia mwamuzi msaidizi namba moja chupa za maji na makopo ya bia wakipinga kuashiria mshambuliaji wa Simba kuotea dakika ya 57. Pia walifanya hivyo dakika ya 80 kwenye mechi hiyo dhidi ya Mwadui iliyochezwa Uwanja wa Kambarage mjini Shinyanga.
    Timu ya Toto Africans imepewa onyo kwa kuchelewa uwanjani kwa dakika 23 kwenye mechi yao dhidi ya African Sports iliyofanyika Desemba 27, 2015 katika Uwanja wa CCM Kirumba jijini Mwanza.
    • Blogger Comments
    • Facebook Comments

    0 comments:

    Post a Comment

    Note: Only a member of this blog may post a comment.

    Item Reviewed: STAND UNITED YAKAMULIWA 500,000 KWA ‘MCHEZO WA KIJUHA’ Rating: 5 Reviewed By: BIN ZUBEIRY SPORTS - ONLINE

    PATA HABARI POPOTE ULIPO. ZIKITUFIKIA ZITAKUFIKIA

    Scroll to Top