Tovuti Hii hutembelewa na zaidi ya watu 60,000 kila siku, kutangaza biashara yako na www.binzubeiry.co.tz,
Tuma maombi kwa barua pepe 4thebetter[at]gmail[dot]com.
  • HABARI MPYA

    Sunday, August 14, 2016

    WANACHAMA SIMBA SC KUPEWA ELIMU YA HISA LEO TCC

    Na Mwandishi Wetu, DAR ES SALAAM
    WANACHAMA wa Simba leo wataingia darasani kujifunza elimu ya hisa katika uwanja wa TCC Chang’ombe, Temeke mjini Dar es Salaam.
    Wanachama hao kutoka matawi mbali mbali ya Simba watapewa elimu ya mfumo mpya wa kumilikik hisa za kampuni ndani ya klabu yao.
    Akizungumza jana, Katibu wa Umoja wa Vijana wa Simba, Abeid King maarufu ‘Mswati’ alisema elimu hiyo itasaidia wanachama wa Simba kufanya maamuzi sahihi badala ya kukurupuka na kufanya maamuzi ya kishabiki.
    Mfanyabiashara Mohamed 'Mo' Dewji anataka kununua hisa Simba SC 
    Tayari mkutano mkuu wa Simba ulisharidhia mabadiliko ya mfumo ndani ya klabu hiyo ambayo mfanyabiashara Mohamed Dewji ‘Mo’ ametoa ofa ya Sh20 bilioni ili kununua hisa kwa asilimia 51.
    “Ni mkutano mkuu wa kihistoria katika Klabu ya Simba, nawasihi wanachama watumie  nafasi hiyo adhimu katika kupata elimu ili kuchagua mfumo wa kibiashara/wa kisasa kama mfumo ufaao kuiendesha 'Simba Sports Club'.
    “Ni mfumo utakaotutoa huku tulikofeli miaka mingi (mfumo wa kadi) na kuja katika mfumo wa hisa ambao unatoa nafasi kwa wawekezaji kuwekeza pesa zao ndani ya klabu yetu pendwa ya Simba.
    “Ni mfumo wa dunia ya kileo ya michezo, klabu nyingi zenye kuendelea na kufanikiwa zinatumia mfumo huu wa kibiashara,  mfumo unaowezesha timu kuwa na faida ikiwemo kujiendesha pasipo kumtegemea mtu, kuwa na miundombinu yake kama uwanja, maduka ya jezi, usimamizi mzuri wa masuala ya fedha na wawekezaji kupata gawio lao baada ya faida kupatikana.”alisisitiza King na kuwataka wanachama wa Simba kujitokeze kwa wingi.
    • Blogger Comments
    • Facebook Comments

    0 comments:

    Post a Comment

    Note: Only a member of this blog may post a comment.

    Item Reviewed: WANACHAMA SIMBA SC KUPEWA ELIMU YA HISA LEO TCC Rating: 5 Reviewed By: BIN ZUBEIRY SPORTS - ONLINE

    PATA HABARI POPOTE ULIPO. ZIKITUFIKIA ZITAKUFIKIA

    Scroll to Top