Tovuti Hii hutembelewa na zaidi ya watu 60,000 kila siku, kutangaza biashara yako na www.binzubeiry.co.tz,
Tuma maombi kwa barua pepe 4thebetter[at]gmail[dot]com.
  • HABARI MPYA

    Thursday, March 17, 2016

    KIBOKO YA AZAM, YANGA AZUIWA KUIVAA SIMBA

    Na Mwandishi Wetu, TANGA
    BEKI wa Coastal Union, Miraj Adam (pichani kulia) aliyefunga mabao katika mechi zote timu yake ikishinda 2-0 dhidi ya Yanga na 1-0 dhidi ya Azam FC, hataruhusiwa kucheza keshokutwa dhidi ya Simba.
    Miraj aliyefunga bao la kwanza dhidi ya Yanga na bao pekee dhidi ya Azam, yote kwa mipira ya adhabu amezuiwa kucheza dhidi ya Simba katika mfululizo wa Ligi Kuu ya Vodacom Tanzania Bara Uwanja wa Mkwakwani, Tanga Jumamosi.
    Na sababu ni kwamba Miraj ni mchezaji anayecheza kwa mkopo wa muda mrefu wa msimu Coastal Union kutoka Simba, hivyo makubaliano baina ya timu hizo yamemkwamisha kucheza siku hiyo.   
    Kocha Ally Jangalu wa Coastal Union amesema kwamba ni pigo kumkosa Miraj katika mchezo muhimu kama huo, lakini atawatumia wachezaji wengine.
    “Tuna wachezaji wengi vijana wadogo, wenye morali na nitaangalia mmoja kati yao atachukua nafasi ya Miraj, ambaye bahati nzuri tutamkosa kwa mchezo huu mmoja tu,”amesema.
    • Blogger Comments
    • Facebook Comments

    0 comments:

    Post a Comment

    Note: Only a member of this blog may post a comment.

    Item Reviewed: KIBOKO YA AZAM, YANGA AZUIWA KUIVAA SIMBA Rating: 5 Reviewed By: BIN ZUBEIRY SPORTS - ONLINE

    PATA HABARI POPOTE ULIPO. ZIKITUFIKIA ZITAKUFIKIA

    Scroll to Top