Tovuti Hii hutembelewa na zaidi ya watu 60,000 kila siku, kutangaza biashara yako na www.binzubeiry.co.tz,
Tuma maombi kwa barua pepe 4thebetter[at]gmail[dot]com.
  • HABARI MPYA

    Wednesday, March 23, 2016

    AISHI MANULA LANGONI LEO

    Na Prince Akbar, D’JAMENA 
    KIPA Aishi Manula ataanza langoni leo katika mchezo wa Kundi G dhidi ya wenyeji Chad Uwanja wa Omnisports Idriss Mahamat Ouya mjini hapa kufuzu Fainali za Mataifa ya Afrika mwakani. 
    Kocha Charles Boniface Mkwasa amemuanzisha kipa huyo wa Azam FC badala ya Ally Mustafa ‘Barthez’ wa Yanga, zote za nyumbani Tanzania ambaye siku za karibuni amekuwa kipa wa kwanza.
    Na Manula leo atalindwa na Shomary Kapombe kulia, Mwinyi Haji Mngwali kushoto, wakati mabeki wa kati watakuwa ni Erasto Nyoni na Kevin Yondan.
    Aishi Manula anaanza langoni leo Taifa Stars ikimenyana na Chad 
    Mbwana Samatta (kulia) leo ataichezea Taifa Stars kwa mara ya kwanza kama Nahodha

    Viungo watakuwa ni Himid Mao, Jonas Mkude, Mwinyi Kazimoto na Farid Mussa, wakati washambuliaji ni Nahodha Mbwana Samatta na Thomas Uliwengu na Farid Mussa.
    Stars inahitaji ushindi katika mchezo huo ili kufufua matumaini ya kwenda AFCON ya mwakani, baada ya kuambulia pointi moja tu katika mechi zake mbili za kwanza za kundi hilo, ikifungwa 3-0 na Misri mjini Cairo na kulazimishwa sare ya 0-0 na Nigeria Dar es Salaam mwaka jana.  
    Misri ambayo itakuwa mwenyeji wa Nigeria leo, ndiyo inaongoza kundi hilo kwa pointi zake sita baada ya kuzifunga Chad na Tanzania, wakati Super Eagles yenye pointi nne ni ya pili. Timu hizo zitarudiana siku nne baadaye, Chad inayoshika mkia Kundi G ikiwa haina pointi ikisafiri kwenda Dar es Salaam na Misri ikisafiri kwenda Nigeria.
    Kikosi cha Stars leo; Aishi Manula, Shomary Kapombe, Mwinyi Haji Mngwali, Erasto Nyoni Kevin Yondani, Himid Mao, Jonas Mkude, Mwinyi Kazimoto, Mbwana Samatta, Thomas Uliwengu na Farid Mussa.
    Benchi; Ally Mustafa ‘Barthez’, Juma Abdul, Mohamed Hussein, David Mwantika, Shiza Kichuya, Mohammed Ibrahim, Ibrahim Hajib, John Bocco na Deus Kaseke.
    Kila la heri Taifa Stars. Mungu ibariki Tanzania. Ibariki Taifa Stars. Amin.
    • Blogger Comments
    • Facebook Comments

    0 comments:

    Post a Comment

    Note: Only a member of this blog may post a comment.

    Item Reviewed: AISHI MANULA LANGONI LEO Rating: 5 Reviewed By: BIN ZUBEIRY SPORTS - ONLINE

    PATA HABARI POPOTE ULIPO. ZIKITUFIKIA ZITAKUFIKIA

    Scroll to Top