Tovuti Hii hutembelewa na zaidi ya watu 60,000 kila siku, kutangaza biashara yako na www.binzubeiry.co.tz,
Tuma maombi kwa barua pepe 4thebetter[at]gmail[dot]com.
  • HABARI MPYA

    Monday, September 12, 2016

    KILI QUEENS YAWAFUMUA 3-2 RWANDA NA KUTINGA NUSU FAINALI YA CHALLENGE JINJA

    Na Mwandishi Wetu, JINJA
    TIMU ya taifa ya Tanzania Bara, Kilimanjaro Queens imefuzu Nusu Fainali ya michuano ya Kombe la Afrika Mashariki na Kati, CECAFA Challenge kufuatia ushindi wa mabao 3-2 dhidi ya Rwanda leo Jinja, Uganda.
    Kwa kuwa Kundi B lina timu tatu, nyinginr Ethiopia – ushindi wa leo unaihakikishia Kili Queens tiketi ya Nusu Fainali.   
    Mabao ya Kili Queens inayofundishwa na Sebastian Nkoma, yamefungwa na Asha Rashid ‘Mwalala’ dakika za 11 na 65 na Stumai Abdallah dakika ya 28, wakati ya Rwanda yamefungwa na Ibangarrue Marie na Amina Ally wa Tanzania Bara aliyejifunga.
    Kikosi cha Kilimanjaro Queens kilichoshinda 3-2 dhidi ya Rwanda leo mjini Jinja, Uganda

    Kili Queens watashuka tena dimbani kumenyana na Ethiopia Septemba 16, mwaka huu katika mchezo wa mwisho wa kundi lake. Rwanda na Ethiopia zitakamilisha mechi za Kundi B kwa kumenyanaa na Septemba 14.
    Nusu Fainali zitafuatia Septemba 18, kabla ya fainali kufanyika Septemba 20, 2016 ikitanguliwa na mchezo wa kusaka mshindi wa tatu.
    Mchezaji wa Kili Queens akifumua shuti leo Jinja dhidi ya Rwanda
    Mchezaji wa Kili Queens akimiliki mpira mbele ya wacheaji wa Rwanda leo Jinja


    Manahodha wa Tanzania Bara (kushoto) Sofia Mwasikili na wa Rwanda (kulia)
    • Blogger Comments
    • Facebook Comments

    0 comments:

    Post a Comment

    Note: Only a member of this blog may post a comment.

    Item Reviewed: KILI QUEENS YAWAFUMUA 3-2 RWANDA NA KUTINGA NUSU FAINALI YA CHALLENGE JINJA Rating: 5 Reviewed By: BIN ZUBEIRY SPORTS - ONLINE

    PATA HABARI POPOTE ULIPO. ZIKITUFIKIA ZITAKUFIKIA

    Scroll to Top