• HABARI MPYA

    Sunday, August 06, 2017

    MSUVA NOMA...SI NA LEO TENA KAFUNGA MECHI YA KIRAFIKI MOROCCO

    Na Mwandishi Wetu, DAR ES SALAAM
    WINGA wa kimataifa wa Tanzania, Simon Msuva amekuwa miongoni mwa wachezaji wa Difaa Hassan El- Jadida waliotumika kutambulisha jezi za msimu mpya za timu hiyo kabla ya baadaye kuingia uwanjani kuiongoza timu hiyo kushinda 2-1 dhidi ya ASO  Daraja la Kwanza.
    Akizungumza na Bin Zubeiry Sports – Online kwa simu leo kutoka Hispania ambako timu yake imekwenda kwa kambi ya maandalizi ya msimu mpya, Msuva amesema kwamba katika mchezo huo yeye amefunga bao moja ambalo lilikuwa la kusawazisha na kuseti la ushindi.
    “Tumeshinda mabao 2-1, maana huku kila siku tunacheza mechi, kweli wenzetu wapo tofauti sana,”amesema Msuva na kuongeza; “Leo mimi nimefunga la kusawazisha na kutengeneza la ushindi,”.
    Simon Msuva akimiliki mpira kwenye mchezo leo
    Simon Msuva akimsaidia mchezaji wa ASO baada ya kugongana naye na kuumia 
    Simon Msuva akiwa chini ya ulinzi wa beki ASO leo

    Msuva amesema mechi zote wanazocheza za kujiandaa na msimu mpya wa Ligi Kuu ya Morocco, maarufu kama Botola dhidi ya timu tofauti, zikiwemo za Daraja la Kwanza ni ngumu.
    “Ni mechi ngumu, timu za huku wachezaji wake wapo fiti sana na wana nguvu na kasi sana, kwa kweli huku wenzetu wapo tofauti sana,”alisema.
    Awali ya hapo, Msuva alishiriki zoezi la kutambulisha jezi mpya za Jadida za msimu ujao pamoja na wachezaji wenzake wengine watatu walioteuliwa.
    Zoezi jilo lilifanyika katika mkutano na Waandishi wa Habari mabao makuu ya klabu. Ikumbukwe ni wiki iliyopita tu Msuva amesaini mkataba wa miaka mitatu kujiunga na DHJ kutoka Yanga ya Tanzania.  
    Simon Msuva akiwa na wachezaji wake waliotumika kuonyesha jezi za msimi mpya 
    • Blogger Comments
    • Facebook Comments

    0 comments:

    Item Reviewed: MSUVA NOMA...SI NA LEO TENA KAFUNGA MECHI YA KIRAFIKI MOROCCO Rating: 5 Reviewed By: Bin Zubeiry Sports - Online

    PATA HABARI POPOTE ULIPO. ZIKITUFIKIA ZITAKUFIKIA

    Scroll to Top