Tovuti Hii hutembelewa na zaidi ya watu 60,000 kila siku, kutangaza biashara yako na www.binzubeiry.co.tz,
Tuma maombi kwa barua pepe 4thebetter[at]gmail[dot]com.
  • HABARI MPYA

    Tuesday, April 12, 2016

    AZAM YAMZUIA FARID KWENDA ULAYA HADI WAMALIZANE NA ESPERANCE

    Na Mwandishi Wetu, DAR ES SALAAM
    UONGOZI wa Azam FC umezuia safari ya kiungo wake Farid Mussa (pichani kulia) kwenda Ubelgiji kwa majaribio ya kucheza soka ya kulipwa hadi amalize mchezo wa marudiano wa hatua ya 16 Bora Kombe la Shirikisho Afrika dhidi ya Esperance ya Tunisia Aprili 19.
    Awali, makubaliano kati ya wakala wa Farid na Azam ilikuwa ni mchezaji huyo aondoke baada ya mchezo wa kwanza na Esperance uliofanyika Jumapili Uwanja wa Azam Complex, Chamazi, Dar es Salaam.
    Farid alifunga bao moja na kuseti moja katika ushindi wa 2-1 na baada ya hapo, benchi la Ufundi chini ya kocha Muingereza, Stewart Hall limeona linamuhitaji kinda huyo kwa mchezo wa marudiano.
    Mbali na Farid, kiungo Himid Mao pia anatarajiwa kwenda Denmark kwenda kujaribu bahati yake.
    Mtendaji Mkuu wa Azam FC, Saad Kawemba, amesema kwamba wameiomba klabu inayomtaka Farid kwa majaribio imsubiri kwa wiki moja zaidi.
    “Awali Farid Mussa alitakiwa kuondoka mara moja kwa ajili ya majaribio hayo, lakini tumewaomba wenzetu wanaomtaka wamuache hadi amalizie mechi yetu ya pili dhidi ya Esperance na wamekubali, hivyo Farid ataondoka baada ya mechi hiyo,” alisema.
    • Blogger Comments
    • Facebook Comments

    0 comments:

    Post a Comment

    Note: Only a member of this blog may post a comment.

    Item Reviewed: AZAM YAMZUIA FARID KWENDA ULAYA HADI WAMALIZANE NA ESPERANCE Rating: 5 Reviewed By: BIN ZUBEIRY SPORTS - ONLINE

    PATA HABARI POPOTE ULIPO. ZIKITUFIKIA ZITAKUFIKIA

    Scroll to Top