Tovuti Hii hutembelewa na zaidi ya watu 60,000 kila siku, kutangaza biashara yako na www.binzubeiry.co.tz,
Tuma maombi kwa barua pepe 4thebetter[at]gmail[dot]com.
  • HABARI MPYA

    Saturday, April 23, 2016

    SAKHO HATARINI KUFUNGIWA MIEZI SITA KWA KUTUMIA DAWA

    MCHEZAJI wa Liverpool, Mamadou Sakho anakabiliwa na adhabu ya kufungiwa miezi sita baada ya vipimo vya awali kuonyesha anatumia dawa zilizopigwa marufu michezoni za kupunguza unene.
    Hayo yalibainika baada ya mchezo wa marudiano wa Liverpool na Manchester United wa Europa League Machi 17.
    Sakho, mwenye umri wa miaka 26, sasa atafanyiwa vipimo vya pili mapema wiki ijayo ili kuthibitisha kama kweli anatumia dawa hizo - maana yake Sakho anakosa mechi dhidi ya Newcastle United Ligi Kuu ya England leo wakati akisubiri hatima yake.
    Mamadou Sakho (katikati) akiwa jukwaani wakati wa mchezo kati ya Liverpool na Newcastle Uwanja Anfield leo

    Iwapo vipimo vya pili vitakuwa sawa na vya kwanza, Sakho anatarajiwa kupewa adhabu kali. Mchezaji mwenzake wa Liverpool, Kolo Toure alifungiwa miezi sita alipokuwa Manchester City baada ya kugundulika alitumia dawa za kupunguza mwili ambazo alidai alipewa na mkewe. City pia ilipigwa faini ya Pauni 740,000.
    Liverpool kwa sasa wanajiandaa na mchezo wa kwanza wa Nusu Fainali ya Europa League, ambako watakutana na Villarreal nchini Hispania Alhamisi usiku.
    • Blogger Comments
    • Facebook Comments

    0 comments:

    Post a Comment

    Note: Only a member of this blog may post a comment.

    Item Reviewed: SAKHO HATARINI KUFUNGIWA MIEZI SITA KWA KUTUMIA DAWA Rating: 5 Reviewed By: BIN ZUBEIRY SPORTS - ONLINE

    PATA HABARI POPOTE ULIPO. ZIKITUFIKIA ZITAKUFIKIA

    Scroll to Top