Tovuti Hii hutembelewa na zaidi ya watu 60,000 kila siku, kutangaza biashara yako na www.binzubeiry.co.tz,
Tuma maombi kwa barua pepe 4thebetter[at]gmail[dot]com.
  • HABARI MPYA

    Friday, October 28, 2016

    RONALDO AREJEA KIKOSINI REAL MADRID IKIIVAA ALAVES KESHO

    NYOTA wa Real Madrid wamerejea mazoezini baada ya kupumzishwa kwenye mchezo wa Kombe la Mfalme, maarufu kama Copa del Rey. 
    Cristiano Ronaldo, Gareth Bale na Karim Benzema wote hawakucheza wakati Real Madrid inashinda 7-1 dhidi ya Cultural Leonesa, lakini wanatarajiwa kurejea kwenye mchezo na Alaves.
    Cristiano Ronaldo amerejea kikosini Real Madrid baada ya kupumzishwa kwenye mchezo wa Copa del Rey

    MABAO 20 YA REAL MADRID KWENYE MECHI NNE ZILIZOPITA 

    Ilishinda 7-1 dhidi ya Cultural Leonesa 
    Ilishinda 2-1 dhidi ya Athletic Bilbao
    Ilishinda 5-1 dhidi ya Legia Warsaw
    Ilishinda 6-1 dhidi ya Real Betis   
    Timu ya kocha Mfaransa, Zinedine Zidane kwa sasa inaongoza La Liga, ikiwazidi Sevilla kwa pointi moja na wakiwa wenye kujiamini, kesho wanamenyana na wenyeji Alaves Uwanja wa Mendizorrotza ambao kwa sasa wanashika nafasi ya13 kwenye msimamo wa La Liga. 
    Zidane anatumaini kwamba hata bila wakali wake hao anaweza akaendeleza utamaduni wa ushindi mnono dhidi ya wapinzani. Katika ushindi mnono dhidi ya Leonesa, wote Alavaro Morata na Marcos Asensio walifunga mabao mawili kila mmoja wakionyesha kwamba wanastahiloi nafasi ya kucheza kikosi cha kwanza. 
    Baada ya ushindi huo mnono, Real ikiwa na matumaini makubwa ya kusonga mbele, lakini watakuwa na mchezo wa marudiano.
    Alaves watahitaji kucheza vizuri katika safu yao ya ulinzi wikiendi hii, dhidi ya Real Madrid yenye safu kali ya ushambuliaji iliyovuna mabao 20 kwenye mechi zao nne zilizopita. 
    Kukosekana kwa Luka Modric, Casemiro, Sergio Ramos na Dani Carvajal kumempunguzia vitu vjchache mno kocha Zidane katika kikosi chake.
    Real imekuwa ikifunga angalau mabao matano katika kila mechi kwenye mechi zao tano zilizopita na dhidi ya Alaves wanatarajiwa kuendeleza rekodi hiyo kedho.
    • Blogger Comments
    • Facebook Comments

    0 comments:

    Post a Comment

    Note: Only a member of this blog may post a comment.

    Item Reviewed: RONALDO AREJEA KIKOSINI REAL MADRID IKIIVAA ALAVES KESHO Rating: 5 Reviewed By: BIN ZUBEIRY SPORTS - ONLINE

    PATA HABARI POPOTE ULIPO. ZIKITUFIKIA ZITAKUFIKIA

    Scroll to Top