Tovuti Hii hutembelewa na zaidi ya watu 60,000 kila siku, kutangaza biashara yako na www.binzubeiry.co.tz,
Tuma maombi kwa barua pepe 4thebetter[at]gmail[dot]com.
  • HABARI MPYA

    Sunday, December 13, 2015

    YANGA SC YAMTEMA KIPA ‘CHA UVIVU’, ASAINI JKT MGAMBO

    Na Mwandishi Wetu, DAR ES SALAAM
    YANGA SC imemtema kipa Mudathir Khamis iliyemsaini mwanzoni mwa msimu kutoka KMKM ya Zanzibar.
    Na mara moja, kipa huyo amesaini timu nyingine ya Ligi Kuu ya Vodacom Tanzania Bara, Mgambo JKT ya Tanga.
    Yanga SC ilimpa Mkataba mnono wa miaka mitatu, Mudathir na mshahara wa Sh. Milioni 1.3 kwa mwezi, lakini baada ya miezi mitano inamtema.
    Katibu wa Yanga SC, Dk Jonas Tiboroha amesema kwamba wamelazimika kumuacha kipa huyo baada ya kushindwa kuonyesha bidii na kuwashawishi makocha.
    Mudathir Khamis ametemwa Yanga SC baada ya miezi mitano akidaka mechi moja tu ya kirafiki

    “Ni pendekezo la benchi la ufundi, walisema hawawezi kuendelea na huyo mchezaji, kwa sababu haonyeshi bidii kabisa mazoezini na kwa ujumla amekuwa mvivu,”amesema Tiboroha.
    Aidha, Katibu huyo amesema kwamba alitaka kumtoa kwa mkopo kumpa nafasi ya kubadilika, lakini hakuna timu hiyo ilitokuwa tayari kumchukua, ndipo wakaamua kuachana naye.
    Lakini imekuwa bahati nzuri kwake, Mudathir amesaini JKT Mgmabo.
    Tangu ametua Jangwani, Mudathir amedaka mechi moja tu ya kirafiki dhidi ya Kemondo kirafiki, Yanga SC ikishinda 4-1. Yanga inabaki na makipa watatu, Ally Mustafa ‘Barthez’, Deo Munishi ‘Dida’ na Benedicto Tinocco.
    Mudathir alisani miaka mitatu Yanga SC Agosti mwaka huu na kupewa mshahara wa Milioni 1.3 kwa mwezi
    • Blogger Comments
    • Facebook Comments

    0 comments:

    Post a Comment

    Note: Only a member of this blog may post a comment.

    Item Reviewed: YANGA SC YAMTEMA KIPA ‘CHA UVIVU’, ASAINI JKT MGAMBO Rating: 5 Reviewed By: BIN ZUBEIRY SPORTS - ONLINE

    PATA HABARI POPOTE ULIPO. ZIKITUFIKIA ZITAKUFIKIA

    Scroll to Top