Tovuti Hii hutembelewa na zaidi ya watu 60,000 kila siku, kutangaza biashara yako na www.binzubeiry.co.tz,
Tuma maombi kwa barua pepe 4thebetter[at]gmail[dot]com.
  • HABARI MPYA

    Wednesday, December 30, 2015

    SAMATTA: DILI LA GENK ASILIMIA 90 SAFI

    Na Mwandishi Wetu, DAR ES SALAAM
    MSHAMBULIAJI wa kimataifa wa Tanzania, Mbwana Ally Samatta amesema mpango wa kujiunga na KRC Genk ya Ubelgiji kwa asilimia 90 umekamilika.
    Katika mazungumzo yake na Waziri wa Habari Vijana Wasanii na Michezo, Nape Nnauye leo Dar es Saaam, Samatta amesema kwamba kwa sasa kilichobaki ni klabu yake, TP Mazembe ya DRC kumalizana na Genk ili ahamie Ulaya.
    “Tumefikia makubaliano ya awali na Genk na sasa kilichobaki ni TP Mazembe kumalizana nao ili nikajiunge nao. Naweza kusema kwa asilimia 90 mimi ni mchezaji wa Genk,”amesema Samatta ofisini kwa Waziri Nape leo.
    Mbwana Samatta (kulia) akizungumza na Waziri Nape Nnauye leo Wizara ya Michezo

    Aidha, Samatta alisema kwamba amekwenda ofisi ya Waziri Nape kupata baraka za serikali kabla ya kwenda Nigeria kwenye sherehe za tuzo za Wanasoka Bora mwaka 2015.
    Samatta ameingia fainali ya wachezaji watatu kuwania tuzo ya Mchezaji Bora Anayecheza Afrika pamoja na kipa Robert Kidiaba anayecheza naye TP Mazembe ya DRC na Baghdad Boundjah wa Algeria na Etoile du Sahel ya Tunisa.
    Katika tuzo ya Mwanasoka Bora wa Jumla wa Afrika, walioingia fainali ni Andre Ayew wa Ghana na Swansea City, Pierre-Emerick Aubameyang wa Gabon na Borussia Dortmund na Yaya Toure wa Ivory Coast na Manchester City, anayeshikilia tuzo hiyo.
    Washindi wapatikana kutokana na kura zitakazopigwa na makocha wakuu wa timu za taifa au Wakurugenzi wa Ufundi wa Vyama na mashirikisho ya soka ya nchi zote wanachama wa CAF na watatangazwa katika usiku wa tuzo za Glo-CAF Januari 7 mwaka 2016.  
    Samatta ofisini kwa Waziri leo asubuhi mjini Dar es Salaam

    Pamoja na hayo, Samatta amempongeza Nape kwa kuchaguliwa kuwa Waziri mpya wa michezo.
    Kwa upande wake, Nape amempongeza Samatta kwa mafanikio yote, kuingia fainali ya tuzo za Mwanasoka Bora Afrika na kuwa mbioni kujiunga na Genk.
    Samatta alijiunga na Mazembe mwaka 2012 akitokea Simba SC ya Dar es Salaam, ambayo aliichezea kwa msimu mmoja tu baada ya kujiunga nayo akitokea African Lyon, zamani Mbagala Market.
    • Blogger Comments
    • Facebook Comments

    0 comments:

    Post a Comment

    Note: Only a member of this blog may post a comment.

    Item Reviewed: SAMATTA: DILI LA GENK ASILIMIA 90 SAFI Rating: 5 Reviewed By: BIN ZUBEIRY SPORTS - ONLINE

    PATA HABARI POPOTE ULIPO. ZIKITUFIKIA ZITAKUFIKIA

    Scroll to Top