• HABARI MPYA

    Saturday, June 21, 2014

    VALENCIA AIFUNGIA MAWILI ECUADOR IKIICHAPA 2-1 HONDURAS NA KUITUPA NJE KOMBE LA DUNIA

    NI nina linalofahamika Valencia, lakini ni Enner na si Antonio anayetengeneza umaarufu wake katika Fainali za Kombe la Dunia nchini Brazil.
    Mchezaji huyo mwenye umri wa miaka 25 ameingia katika orodha ya wachezaji wanaowania ufungaji bora baada ya kufunga mabao mawili usiku huu dhidi ya Honduras mjini Curitiba, Ecuador ikishinda 2-1.
    Ameingia kwenye orodha ya wachezaji wanaotamba Ulaya kama Thomas Muller, Karim Benzema, Robin van Persie na Arjen Robben.
    Lakini mshambuliaji huyo mwenye misuli na kasi, bado anacheza Amerika Kusini akiwa anachezea Pachuca ya Mexico, ingawa tayari timu za Ulaya zimeanza kumsaka.

    Nyota: Valencia (kulia) akishangilia baada ya kufunga bao la pili katika ushindi wa 2-1 wa timu yake usiku huu

    Ushindi huo unaipa pointi tatu Ecuador na kupanda hadi nafasi ya pili katika Kundi E ikiizidi kwa wastani wa mabao tu ya kufunga na kufungwa Uswisi, zote zikiwa nyuma ya Ufaransa yeny pointi sita, wakati Honduras haina pointi na inaendelea kushika mkia.
    Ecuador itamaliza na Ufaransa ambayo imekwishafuzu ikihitaji ushindi kusonga 16 Bora wakati Uswisi itamaliza na Honduras ikihitaji ushindi pia- maana yake timu ya kuungana na mabingwa hao wa mwaka 1998 itajulikana siku ya mwisho ya mechi za makundi.
    Battle: Victor Bernardez (left) tussles for the ball with Ecuador's Enner Valencia (right)
    Mkali: Victor Bernardez (kushoto) akipambana na mshambuliaji wa Ecuador, Enner Valencia (kulia)
    • Blogger Comments
    • Facebook Comments

    0 comments:

    Item Reviewed: VALENCIA AIFUNGIA MAWILI ECUADOR IKIICHAPA 2-1 HONDURAS NA KUITUPA NJE KOMBE LA DUNIA Rating: 5 Reviewed By: Mahmoud Bin Zubeiry

    PATA HABARI POPOTE ULIPO. ZIKITUFIKIA ZITAKUFIKIA

    Scroll to Top