REAL MADRID WAPATA MSIBA MZITO, MCHEZAJI WAO NYOTA WA ZAMANI AFARIKI DUNIA LEO

ULIMWENGU wa soka umepata pogo  kufuatia kifo cha gwiji wa Real Madrid, mshambuliaji Alfredo Di Stefano aliyefariki dunia akiwa ana umri wa miaka 88. 

Mwanasoka huyo wa zamani wa kimataifa wa Hispania, Argentina na Colombia aliopatwa na ugonjwa wa moyo karibu na Uwanja wa klabu hiyo, Bernabeu Jumamosi mchana na akafariki dunia mchana wa leo. 

Bingwa wa Ulaya: Alfredo di Stefano wa Real Madrid akiwa na makombe matano ya Ulaya, amefariki dunia leo

Pigo kubwa: Gwiji wa Real Madrid, Alfredo Di Stefano akisherehekea na Kombe halisi la Ulaya baada ya Real kuifunga Reims 4-3 katika fainali mwaka 1956 mjini Paris

WASIFU WA DI STEFANO

1945–1951 River Plate Mechi 66 Mabao 49

1951–1953 Millonarios Mechi 102 Mabao 90

1953–1964 Real Madrid Mechi 282 Mabao 216

1964–1966 Espanyol 

Mechi 47 Mabao 11

Rais huyo wa heshima wa Real Madrid aliwekwa chumba cha wagonjwa maalum, akipatiwa tiba makini, lakini haikusaidia kuirejesha hali yake vizuri. 

Amekuwa katika hali mbaya mno tangu Jumamosi alipofikishwa hospitali ya General Universitario Gregorio Maranon mjini Madrid. 

Jitihada za madaktari bingwa wa hospitali hiyo kuokoa maisha ya gwiji hiyo hazikufanikiwa na hatimaye mchana wa leo akaaga dunia. Kikosi cha magwiji wa Real Madrid kinatarajiwa kuwa na ziara nchini mwezi ujao kwa mwaliko wa makampuni ya TSN, chini ya Mkurugenzi wake, Farough Baghozah.

Pumzika kwa amani gwiji: Di Stefano hapa akiinua bilauri yake wakati wa hafla maalum ya kumuenzi kwa mchango wake katika soka, iliyofanyika Ubalozi wa Argentina mjini Madrid. Ndiye mfungaji bora wa pili kihistoria Real Madrid.

Monday, July 07, 2014