%202.png)
.png)
IMEWEKWA JULAI 26, 2013 SAA 2:53 USIKU
KLABU ya Arsenal imeondoka Mashariki ya Mbali leo kwa ushindi wa asilimia 100 kwenye mechi zao za kujiandaa na msimu baada ya kupata ushindi mwembamba dhidi ya Urawa Red Diamonds.
Kinda Chuba Akpom amempa ushindi wa 2-1 kocha Arsene Wenger katika mechi yake ya mwisho kwenye ziara ya Asia.
Jack Wilshere alianza kwa mara ya kwanza kikosini The Gunners tangu afanyiwe upasuaji wa kifundo cha mguu Mei, wakati Laurent Koscielny aliyeumia kifundo katika ushindi wa 3-1 dhidi ya Nagoya Grampus, alianza leo Saitama.
Mabao ya Arsenal leo yamefungwa na Lukas Podolski dakika ya 48 na Akpom dakika ya 82, wakati la wenyeji lilifungwa na Abe dakika ya 58.
Kikosi cha Arsenal kilikuwa: Fabianski; Sagna Koscielny, Mertesacker/Jenkinson dk46, Miquel; Arteta/Rosicky dk46, Wilshere/Ramsey dk46, Oxlade-Chamberlain/Zelalem dk67, Walcott/Akpom dk75, Gnabry/Miyaichi dk46, Giroud/Podolski dk46.
Urawa Reds: Yamagishi; Tsuboi, Nasu, Abe, Ugajin; Kojima, Kashiwagi, Umesaki, Richardes; Yamada na Koroki Subs.
Lukas Podolski (kushoto) alifunga bao la kwanza kwa Arsenal dhidi ya Red Diamonds
Chuba Akpom akishangilia bao lake la ushindi
Yuki Abe na Theo Walcott
Mashabiki wakionyesha sapoti kwa kocha Arsene Wenger mjini Saitama
Olivier Giroud (kushoto) na Serge Gnabry (kulia)
Sapoti kwa Walcott kutoka kwa mashabiki
Mashabiki wa Arsenal Japan wakifurahia mechi leo
Wachezaji wa Arsenal wakionyesha bango baada ye mechi
