• HABARI MPYA

    Thursday, March 29, 2012

    SIMBA YAMFUKUZA MAFISANGO KAMBINI


    Nyagawa

    SIMBA imemtimua kiungo wake wa Kimataifa Patrick Mafisango kutokana na utovu wa nidhamu.
    Kwa mujibu wa mamapipirp.blogspot.com Mafisango ambaye amekuwa akipewa onyo mara kwa mara na uongozi kutona na tabia yake ya ulevi, alirudia tena kitendo hicho hivi karibuni wakati timu yake ikiwa kambini.
    Kwa mujibu wa taarifa zilizopatikana toka kambi ya Simba iliyopo Bamba Beach, Mafisango baada ya kuwa 'tungi' aliporejea kambini alitoa luigha chafu kwa meneja wa timu hiyo Nicodemus Menard Nyagawa pamoja na kocha mkuu wa Simba, Milovan Cirkovic kabla ya taarifa kufika kwa uongozi na ndipo mwenyekiti wa klabu hiyo Alhaj Ismail Aden Rage kuagiza atimuliwe.
    Mafisango ni mchezaji mzuri ambaye aliingia nchini baada ya kusajiliwa na Azam FC miaka miwili iliyopita, lakini kutokana na matatizo yake ya nidhamu, Wana Lamba Lamba waliamua kumtoa bure ahamie Simba.
    Hata Simba baada ya mzunguko wa kwanza wa ligi ilitaka kumtupia virago mchezaji huyo, lakini ikamsamehe na akarudi uwanjani kwa kishindo akiipigia mabao mfululizo timu hiyo.
    Haijulikani sasa kama ndio mwisho wake Simba, au yataisha tena na ataendelea na kazi.
    Simba inakabiliwa na mechi ngumu ya marudiano ya Kombe la Shiriksiho Afrika mwishoni mwa wiki dhidi ya ES Setif ya Algeria na Mafisango ni miongoni mwa wachezaji muhimu kwa sasa kikosini.  
    Loading...
    • Blogger Comments
    • Facebook Comments

    0 comments:

    Item Reviewed: SIMBA YAMFUKUZA MAFISANGO KAMBINI Rating: 5 Reviewed By: Mahmoud Bin Zubeiry

    PATA HABARI POPOTE ULIPO. ZIKITUFIKIA ZITAKUFIKIA

    Scroll to Top