YANGA SC YAANZA VYEMA KOMBE LA MAPINDUZI

VIGOGO, Yanga SC wameanza vyema michuano ya Kombe la Mapinduzi baada ya ushindi wa mabao 3-0 dhidi ya KVZ katika mchezo wa Kundi C jioni ya leo Uwanja wa New Amaan Complex, Zanzibar.
Mabao ya Yanga SC yamefungwa na viungo, Muivory Coast, Peodoh Pacome Zouzoua dakika ya 31, Celestin Ecua mzaliwa wa Ivory Coast pia anayechezea timu ya taifa ya Chad dakika ya 54 na mshambuliaji mpya, Emmanuel Mwanengo aliyesajiliwa kutoka TRA United dakika ya 75.
Ecua na Mwanengo wote walifunga mipira waliyopiga ilimbabatiza beki wa KVZ, Rahim Chikuni na kubadili mwelekeo kutinga nyavuni.
Yanga sasa itahitaji ushindi katika mechi yake ya mwisho dhidi ya TRA United Jumanne ili kwenda Nusu Fainali. 

Sunday, January 04, 2026