AZAM FC YAWACHAPA MLANDEGE SC 2-0 KOMBE LA MAPINDUZI

MABAO ya viungo Zidane Ally Sereri dakika ya tano na Himid Mao Mkami dakika ya 54 yameipa Azam FC ushindi wa 2-0 dhidi ya waliokuwa mabingwa watetezi, Mlandege FC katika mchezo wa Kundi A Kombe la Mapinduzi usiku huu Uwanja wa New Amaan Complex, Zanzibar.

Azam FC inafikisha pointi nne baada ya ushindi huo kufuatia sare ya kufungana bao 1-1 na Singida Black Stars katika mchezo wa kwanza hapo hapo Amaan Complex.
Mlandege inakamilisha mechi zake tatu za Kundi A kwa kufungwa zote, nyingine 3-1 na Singida Black Stars na 1-0 na URA FC ya Uganda.
Sasa timu za Azam FC na Singida Black Stars zitahitaji kushinda dhidi ya URA ili kupata tiketi ya kwenda Nusu Fainali. 

Friday, January 02, 2026