MSIBA MZITO, RAIS WA TANZANIA DK JOHN POMBE JOSEPH MAGUFULI AFARIKI DUNIA

 CHANZO CHA PICHA,

AFP

Rais wa Jamhuri ya Muungano wa Tanzania Dkt John Pombe Magufuli ameaga dunia.

Kifo cha Magufuli kimetangazwa rasmi Jumatano usiku na makamu wake Samia Hassan Suluhu.

Amesema kwamba rais Magufuli aliaga dunia katika hospitali ya Mzena iliyopo jijini Dar es Salam mwendo wa saa kumi na mbili jioni saa za Afrika Mashariki kutokana na matatizo ya moyo.

• Je, Katiba ya Tanzania inatoa mwongozo gani anapofariki Rais? 

• 'Serikali iseme rais Magufuli yuko wapi'

• Salamu za rambirambi zaendelea kumiminika kufuatia kifo cha Rais Magufuli

Akithibitisha kifo hicho makamu wa rais Samia Suluhu amesema kwamba rais Magufuli alianza kuugua mnamo tarehe 14 mwezi Machi na kulazwa katika hospitali hiyo ambapo alifariki.

Magufuli ambaye ni rais wa tano wa Jamhuri ya muungano wa Tanzania amefariki akiwa na umri wa miaka 61.

Kwa mujibu wa makamu huyo wa rais Magufuli alikuwa chini ya uangalizi wa madaktari wa moyo kutoka hospitali ya Jakaya Kikwete.

Taarifa ya Kifo Cha Rais Wa Jamhuri Ya Muungano Wa Tanzania pic.twitter.com/LNi5CtoURm

— Samia Suluhu (@SuluhuSamia) March 17, 2021

Mwisho wa Twitter ujumbe, 1

Makamu huyo wa rais ametangaza siku 14 za kuomboleza . Amesema kwmba katika kipindi hicho chote bendera zote nchini humo zitapepea nusu mlingoti.

Amesema kwamba Magufuli amekuwa akiugua tatizo la moyo kwa zaidi ya miaka 10 .

Tangazo la kifo chake linajiri zaidi ya wiki mbili tangu alipoonekana hadharani na kuzua uvumi kwamba alikuwa akiugua virusi vya corona.

Thursday, March 18, 2021