BORUSSIA DORTMUND MABINGWA TENA BUNDESLIGA

Borussia Dortmund katika pati lao la ubingwa

KLABU ya Borussia Dortmund usiku huu imetetea ubingwa wake wa Ligi Kuu ya Ujerumani, Bundesliga kufuatia ushindi wa mabao 2-0 dhidi ya wapinzani wao, Borussia Monchengladbach hiyo ikiwa ni mara ya pili mfululizo kutwaa taji hilo.

Awali, ilionekana kama mbio za ubingwa zingeendelea kabla ya Dortmund kushuka kwenye Uwanja wa Signal Iduna Park, kutokana na Bayern Munich kushinda 2-1 dhidi ya Werder Bremen katika mchezo uliotangulia.

Lakini haikuwa hivyo kwa Dortmund baada ya Ivan Perisic na Shinji Kagawa kuifungia mabao timu yao hiyo na kuihakikishia kutwaa mara mbili mfululizo taji hilo, hiyo pia ikiwa ni mara ya kwanza tangu mwaka 1997, na mara ya tatu katika historia ya klabu hiyo.

Taji hilo pia ni la pili mfululizo kwa kocha Jurgen Klopp katika Bundesliga na kuzidi kujijengea heshima miongoni mwa makocha vijana nchini humo.

BVB sasa imebakiza mechi mbili kukamilisha msimu wa Bundesliga, dhidi ya Kaiserslautern na Freiburg.

Baadaye itamenyana na Bayern katika fainali ya michuano ya DFB Pokal, ambayo kama wakishinda itakuwa ni mara ya kwanza kwao kutwaa ubingwa wa Kombe hilo sambamba wa Ligi Kuu.

Saturday, April 21, 2012