MAHAKAMA YARUHUSU LIGI MBILI KENYA

Na Vincent Malouda, NAIROBI

KURUHUSIWA kwa kampuni inayosimamia ligi kuu Kenya, KPL, kuendelea na ligi yake kunaashiria ligi mbili kuu nchini Kenya.

Hii ni baada ya hakimu wa Mahakama kuu ya Kenya, Roselyn Ekirapa Aburili kutupilia mbali marufuku ya KPL kutoanda ngarambe zozote kwa mujibu wa maombi yaliyowasilishwa mahakamani na Shirikisho la Soka Kenya, FKF, ambalo halikutaka kampuni hiyo kusimamia ligi kuu msimu huu baada ya kutoelewana kuhusu idadi ya timu zitakazoshiriki ligi kuu.

Kutokana na hayo, FKF ilianzisha ligi yake kuu huku KPL ikisimamisha mechi zake majuma matatu yaliyopita kufuatia amri ya korti licha ya kucheza mechi za ufunguzi Februari 21 na 22.

Kwa majuma matatu sasa timu kumi na nne zikiwemo Gor Mahia ambao ni mabingwa watetezi hazijashiriki pambano lolote la ligi kuu zikisubiri uamuzi wa mahakama ambapo jaji Aburili aliwapa mashabiki wa soka kitu wanachopenda moyoni mchana wa leo.

Sasa ni rasmi ya kwamba ligi kuu itaendelea tangia ino Jumatano Nakuru AllStars wakiandaa zulia la Afraha kudananadana na Sofapaka kisha siku ya Alhamisi, Gor Mahia washikane mashati na Bandari ugani City.

Mabingwa watetezi wa Ligi Kuu ya Kenya wataanza kutetea taji lao dhidi yao ya Chemelil Sugar Jumapili

 

RATIBA YA MECHI ZA WIKIENDI HII LIGI KUU KENYA 

Jumamosi

Thika United Vs Mathare United – Thika

Ulinzi Stars Vs Western Stima – Afraha

KCB Vs Nakuru AllStars – City Stadium

SoNy Sugar Vs Muhoroni Youth – Awendo

Nairobi City Stars Vs AFC Leopards – Nyayo

Jumapili

Sofapaka Vs Bandari – Machakos

Tusker Vs Ushuru – Nyayo

Gor Mahia Vs Chemelil Sugar - Nyayo

Haya yanajiri huku ligi ya FKF ya timu kumi 18 ikishika moto. 

Kufikia sasa Shabana FC wanaongoza jedwali kwa pointi 

tisa, mbili zaidi ya Zoo Kericho na  Kakamega Homeboyz 

wanaoshikilia nafasi za pili na tatu mtawalia huku Moyas, 

Kariobangi Sharks na Nakumatt wakiburura manyoya.

Tuesday, March 17, 2015