MESSI AFUNGA LA 61, BARCA YAUA 4-0

Cheki Messi anavyotupia kitu kwenye nyavu

MADRID, Hispania

MSHAMBULIAJI Lionel Messi amefunga bao la 61 usiku wa kuamkia leo na kutoa pasi mbili za mabao, akiiongoza Barcelona kuichapa Getafe 4-0 katika La Liga na kuwafanya mabingwa hao watetezi sasa wazidiwe pointi moja tu na vinara wa Ligi ya Hispania, Real Madrid.

Messi aligongeana vizuri mno na Andres Iniesta kabla ya kufunga dakika ya 44. Messi sasa anaongoza kufunga mabao katika La Liga akiwa ana mabao 39, bado moja tu kufikia rekodi aliyoweka Cristiano Ronaldo msimu uliopita.

Messi amefunga mabao 12 katika mechi zake 13 zilizopita, akifanya jumla ya mabao 24.

Ni mchezaji wa kwanza kufikisha mabao 60 katika ligi kubwa za Ulaya, tangu mshambuliaji wa zamani wa Bayern Munich, Gerd Mueller alipofikisha mabao 67 msimu wa 1972-73.

Alexis Sanchez alifunga dakika ya 13 na  73 na Pedro Rodriguez akafunga dakika ya 75, wakiiwezesha Barcelona kushinda mechi ya 10 mfululizo ya ligi.

Real Madrid inaweza kurejesha pengo la pointi nne dhidi ya Barca, iwapo itashinda mechi yake ya leo dhidi ya Atletico Madrid.

Wednesday, April 11, 2012