DRFA YAYAZUIA MASHINDANO YA KOMBE LA MWEZI MTUKUFU WA RAMADHAN BAADA YA WAANDAAJI KUIENGUA BIN SLUM FC

 CHAMA cha SOKA Dar es Salaam (DRFA) kimeyasimamisha mashindano ya Kombe la Mwezi Mtukufu wa Ramadhani, maarufu kama Ramadhani Cup baada ya waandaaji kukiuka maagizo waliyopewa.
DRFA iliagiza mechi ya Nusu Fainali kati ya Bin Slum na Afro Oil iliyovunjika irudiwe, lakini waandaaji wakakaidi agizo hilo.
Bin Slum walituhumiwa kuwa chanzo cha vurugu zilizovunja mchezo na kuondolewa mashindanoni huku Afro Oil wakipelekwa fainali.

Fainali ilipangwa kufanyika jana kati ya Silent Ocean na Afro Oil, lakini Jeshi la Polisi likazuia wakiwataka waandaaji wafuate agizo la DRFA.

Sunday, May 09, 2021